ఆదిపురుష్ 'హనుమంతుడు'గా పాపులర్ యాక్టర్..??

పాన్ ఇండియా స్టార్ ప్రభాస్ కథానాయకుడుగా ప్రస్తుతం ఇండస్ట్రీలో భారీ సినిమాలు తెరకెక్కుతున్న సంగతి తెలిసిందే. అందులో ముందుగా మాస్ యాక్షన్ డైరెక్టర్ ప్రశాంత్ నీల్ దర్శకత్వంలో సలార్.. బాలీవుడ్ డైరెక్టర్ ఓం రౌత్ దర్శకత్వంలో ఆదిపురుష్ సినిమాలు రూపుదిద్దుకుంటున్నాయి. కేజీఎఫ్ సిరీస్ తర్వాత ప్రశాంత్ నీల్ తో ప్రభాస్ సలార్ మూవీ ప్రకటించే సరికి ఒక్కసారిగా ఆశ్చర్యపోయారు డార్లింగ్ ఫ్యాన్స్. అదేవిధంగా బాలీవుడ్ డైరెక్టర్ ఓం రౌత్ తో ఆదిపురుష్ ప్రకటించి మరో బిగ్ సర్ప్రైజ్ ఇచ్చాడు. ఈ రెండు సినిమాలు ప్రస్తుతం షూటింగ్ దశలో ఉన్నాయి.

అయితే సలార్ గాని.. ఆదిపురుష్ గాని ఈ రెండు సినిమాలకు సంబంధించి ఎలాంటి కొత్త కబురు తెలిసినా డార్లింగ్ అభిమానులకు పండగే అవుతుంది. ఓవైపు లాక్ డౌన్ ఎత్తివేయడంతో సలార్ - ఆదిపురుష్ సినిమాలు షూటింగ్ జరిపేందుకు సన్నద్ధం అవుతున్నాయి. అయితే మేకర్స్ ఆల్రెడీ సినిమాలకు సంబంధించి ఎప్పటికప్పుడు అప్డేట్స్ ఇస్తూనే ఉన్నారు. తాజాగా ఆదిపురుష్ సినిమా గురించి ఓ వార్త సోషల్ మీడియాలో హల్చల్ చేస్తోంది. అదేంటంటే.. ఆదిపురుష్ రామాయణం నేపథ్యంలో తెరకెక్కుతుండగా ప్రభాస్ శ్రీరాముడు పాత్రలో కనిపించనున్నాడు.

అలాగే సీత పాత్రలో కృతిసనన్.. రావణుడుగా సైఫ్ అలీఖాన్.. లక్ష్మణుడుగా సన్నీ సింగ్ నటిస్తున్నారు. అయితే తాజాగా సినిమాలో మరో కీలకపాత్ర గురించి ప్రచారం జరుగుతుంది. అదేంటంటే.. హనుమంతుడు క్యారెక్టర్ ఎవరు చేయబోతున్నారని చర్చలు మొదలయ్యాయి. మరి త్వరలోనే ఆదిపురుష్ నుండి కొత్త అప్డేట్స్ రాబోతున్నాయని ఫ్యాన్స్ ఎక్సపెక్ట్ చేస్తున్నారు. అందులోను హనుమాన్ క్యారెక్టర్ అనేసరికి ప్రస్తుతం బాలీవుడ్ వర్గాలలో తానాజీ ఫేమ్ దేవదత్ నాగే పేరు బలంగా వినిపిస్తుంది. మరాఠీలో మంచి క్రేజ్ ఉన్నటువంటి దేవదత్ పేరు ప్రస్తుతం మేకర్స్ లిస్టులో ఉన్నట్లు టాక్. చూడాలి మరి ఈ సినిమా త్వరలోనే ముంబైలో షూట్ ప్రారంభించనున్నారు.