మరో క్రేజీ మల్టీస్టారర్ రెడీ అవుతుంది

టాలీవుడ్ లో మల్టీస్టారర్లు ఊపందుకున్నాయి. క్రేజ్ లేని హీరోలంతా కలిసి కట్టుగా సినిమాలు చేస్తూ వాటినే మల్టీస్టారర్ అంటూ ప్రచారాలు చేయడం స్టార్ట్ చేశారు. సర్లే వారి సంతృప్తి కోసమే అన్నట్లుగా సినీజనాలు కూడా ఆ కాంబినేషన్లని మల్టీస్టారర్స్ అనే ఒప్పుకుంటున్నారు. అయితే ఇంతవరకు టాలీవుడ్ లో సెట్ కానీ ఓ క్రేజీ మల్టీస్టారర్ సినిమా త్వరలోనే ప్రేక్షకుల ముందుకి రాబోతుందని ఫిల్మ్ నగర్ లో వార్తలు వస్తున్నాయి.

కమీడియన్ గా ప్రేక్షకుల్ని కడుపుబ్బా నవ్విస్తున్న 30 ఇయర్స్ పృధ్వీ - క్యారెక్టర్ ఆర్టిస్ట్ గా దాదాపు ప్రతి సినిమాలో కనిపిస్తున్న పోసాని కృష్ణమురళి కాంబినేషన్ లో ఓ సినిమా తెరకెక్కుతుందని, ఇదే ఇప్పుడు టాలీవుడ్ లో క్రేజీ మల్టీస్టారర్ అనే కామెంట్స్ హల్ చల్ చేస్తున్నాయి. కమీడియన్ గా సక్సెస్ కొట్టిన పృధ్వీ - హీరోగా మాత్రం పెద్దగా రాణించలేకపోయాడు. పోసాని మాత్రం మెంటల్ కృష్ణగా ఫెమెస్ అయిపోయాడు. ఇప్పుడు వీరిద్దరి కలయికలో సినిమా అంటే ఆడియెన్స్ కి పక్కా ఎంటర్ టైన్ మెంట్ గ్యారెంటీ అని సినీ జనాలు స్టేట్ మెంట్స్ ఇస్తున్నారు. మరి సోలో హీరోగా ఎంట్రీ ఇచ్చి దెబ్బతిన్న పృధ్వీకి ఈసారి పోసాని ఎంతవరకు హెల్ప్ అవుతాడో చూద్దాం.