Begin typing your search above and press return to search.
`సూరీడు` పాత్రలో `మెంట‌ల్ కృష్ణ`?
By: Tupaki Desk | 12 April 2018 2:15 PM GMT
దివంగ‌త నేత వైఎస్ రాజ‌శేఖ‌ర్ రెడ్డి జీవిత చ‌రిత్ర నేప‌థ్యంలో `యాత్ర` బ‌యోపిక్ తెర‌కెక్క‌బోతోన్న సంగతి తెలిసిందే. ఆ బ‌యోపిక్ లో వైఎస్ ఆర్ పాత్రలో మ‌ల‌యాళ సూప‌ర్ స్టార్ మ‌మ్ముట్టి న‌టించ‌బోతోన్న విష‌యం విదిత‌మే. ఆ బ‌యోపిక్ లో వైఎస్ కు న‌మ్మిన బంటు, ఆయ‌న వ్య‌క్తిగ‌త స‌హాయ‌కుడు సూరీడు పాత్రలో ఎవ‌రు న‌టించ‌బోతున్న విష‌యంపై ఆస‌క్తి ఏర్ప‌డింది. తాజాగా, `యాత్ర`లో కీల‌క‌మైన సూరీడు పాత్రలో విల‌క్ష‌ణ న‌టుడు పోసాని కృష్ణ ముర‌ళిని చిత్ర యూనిట్ ఎంచుకున్న‌ట్లు తెలుస్తోంది. వైఎస్ వెన్నంటి ఉండి, ఆయ‌న‌కు న‌మ్మిన బంటుగా వ్య‌వ‌హ‌రించిన సూరీడు పాత్ర‌కు పోసాని త‌ప్ప మ‌రెవ‌రూ న్యాయం చేయ‌లేర‌ని చిత్ర యూనిట్ భావించింద‌ట. వారు అడిగిన వెంట‌నే ఆ పాత్రలో న‌టించేందుకు పోసాని కూడా సుముఖ‌త వ్య‌క్తం చేశార‌ని వినికిడి.
దాదాపు 30 సంవ‌త్స‌రాల పాటు వైఎస్ కు సూరీడు ప్ర‌ధాన అనుచ‌రుడిగా వ్య‌వ‌హ‌రించారు. దాదాపు వైఎస్ వెన్నంటే ఉన్నారు. వైఎస్ ఎక్క‌డ ఉంటే సూరీడు కూడా అక్క‌డ ఉండేవారు. ఒక్క మాట‌లో చెప్పాలంటే వైఎస్ కుటుంబంలో సూరీడు కూడా ఒక స‌భ్యుడని ప్ర‌జ‌లు భావించేవారు. అందుకే ఇంత‌టి ప్రాధాన్య‌త ఉన్న పాత్రలో పోసాని న‌టిస్తే బాగుంటుందని ద‌ర్శ‌క‌డు మ‌హి.వి.రాఘ‌వ భావించాడ‌ట. అయితే, ఆ పాత్రలో న‌టించేందుకు పోసాని కూడా వెంట‌నే అంగీక‌రించార‌ట. యాత్ర‌లో వైఎస్ పాత్రలో మ‌మ్ముట్టి న‌టించ‌డంతో ఆ చిత్రానికి విప‌రీత‌మైన క్రేజ్ వ‌చ్చింది. కొద్ది రోజుల క్రితం విడుద‌లైన వైఎస్ ఫ‌స్ట్ లుక్ పోస్ట‌ర్ సోష‌ల్ మీడియాలో వైర‌ల్ అయింది. ఇపుడు సూరీడు పాత్రలో పోసాని న‌టించ‌బోవ‌డం ఆ సినిమాకు అద‌న‌పు ఆక‌ర్ష‌ణ కానుంద‌న‌డంలో సందేహం లేదు.
