చెర్రీ లైఫ్ కి పాజిటివ్ ఫోర్స్ వీళ్లే

ఇవాళ మహిళా దినోత్సవం.. మహిళల ఖ్యాతిని ప్రపంచానికి చాటి చెప్పే రోజు ఇది. ఇలాంటి రోజున.. చెర్రీ ఓ ఆసక్తికరమైన ట్వీట్ పెట్టాడు. సాధారణంగా మెగా ఫ్యామిలీలో హీరోలు అంతా జనాలకు కనిపిస్తూనే ఉంటారు కానీ.. వారి ఇంట్లోని మహిళలు మాత్రం ఇప్పుడిప్పుడే కనిపించడం ప్రారంభించారు.

కానీ తన ఇంట్లోని మహిళలు అందరినీ ఒకటే ఫోటో ద్వారా ప్రపంచానికి చూపించాడు రామ్ చరణ్. నాన్నమ్మ.. అమ్మ.. అత్తయ్యలు.. పెద్దమ్మ.. అక్కలు.. కజిన్స్.. ఇలా అందరూ ఉన్న గ్రూప్ ఫోటోతో పాటు.. అమ్మ సురేఖ భార్య ఉపాసనల ఫోటోలను ప్రత్యేకంగా పోస్ట్ చేసిన చెర్రీ "వీళ్లు నా జీవితానికి పాజిటివ్ ఫోర్స్ అయిన అందరు అద్భుతమైన మహిళలు ఇక్కడున్నారు.. హ్యాపీ ఉమన్స్ డే" అంటూ తన కామెంట్ పోస్ట్ చేశాడు రామ్ చరణ్. మహిళా దినోత్సవం రోజున శుభాకాంక్షలు అందరూ చెబుతారు కానీ.. ఈ స్థాయిలో తనకు శక్తినిచ్చిన అందరినీ చూపించి మరీ.. వారి గొప్పదాన్ని చాటి చెప్పాడు చెర్రీ. ఒకేసారి ఇందరు మెగా లేడీస్ కనిపించేసరికి.. ఫ్యాన్స్ లో కూడా హుషారు కనిపించింది.

మరోవైపు.. ఈ నెల 20 నుంచి తన కొత్త సినిమా స్టార్ట్ చేసేయబోతున్నాడు చెర్రీ. సుకుమార్ దర్శకత్వంలో తెరకెక్కనున్న ఈ మూవీలో.. సమంత తొలిసారిగా రామ్ చరణ్ తో జత కడుతోంది.

Like Us on Facebook : https://www.facebook.com/Tupakidotcom/