నెల్లూరు డిటెక్టివ్ కు పాజిటివ్ సిగ్నల్స్

ఎల్లుండి చిన్న సినిమాల మధ్య బాక్స్ ఆఫీస్ వద్ద పెద్ద యుద్ధమే జరగబోతోంది. కొన్ని మంచి అంచనాలతో వస్తుండగా మరికొన్ని అసలు ఎప్పుడు షూటింగ్ జరుపుకున్నాయా అని అనుమానం కలిగించేలా ఉన్నాయి. ట్రైలర్ నుంచి పాజిటివ్ బజ్ పెంచుకున్న ఏజెంట్ సాయి శ్రీనివాస ఆత్రేయ ప్రీ రిలీజ్ ఈవెంట్ నిన్న సాయంత్రం సుప్రీమ్ హీరో సాయి తేజ్ ముఖ్య అతిధిగా గ్రాండ్ గా జరిగింది.

ఇందులో హీరో నవీన్ పోలిశెట్టి మంచి కామెడీ టైమింగ్ తో స్పీచ్ ని అలరించగా అతని గురించి ప్రత్యేకంగా ప్రస్తావించి సాయి తేజ్ సైతం పొగడ్తలతో ముంచెత్తడంతో జనాల దృష్టి ఈ నెల్లూరు ఏజెంట్ మీద పడింది. కాస్త అటుఇటుగా ఉన్న హైప్ నిన్న ఈ ఈవెంట్ తో కొంత పుంజుకుందనే చెప్పాలి.

ఏజెంట్ సాయి శ్రీనివాస ఆత్రేయ ప్రధానంగా మల్లేశంతో పోటీ పడుతోంది. అయితే పూర్తిగా తెలంగాణా బ్యాక్ డ్రాప్ లో రూపొందిన ఎమోషనల్ బయోపిక్ కావడంతో మల్లేశం కన్నా కామెడీ ఎలిమెంట్ ప్లస్ క్రైమ్ థీమ్ ఉన్న ఏజెంట్ కే ఎక్కువ ఎడ్జ్ ఉండొచ్చని యూనిట్ నమ్మకంగా ఉంది.

నవీన్ పోలిశెట్టి డెబ్యు మూవీ అయినప్పటికీ కామిక్ సెన్స్ తో అలరించిన తీరు ఖచ్చితంగా వర్క్ అవుట్ అవుతుందనే ధీమా టీంలో ఉంది. రిలీజ్ పరంగా కూడా చెప్పుకోదగ్గ స్థాయిలోనే వస్తున్న ఏజెంట్ ఆత్రేయకు సాయి తేజ్ ఇచ్చిన మైలేజ్ కూడా కొంత హెల్ప్ కాకుండా పోదు. స్వరూప్ దర్శకత్వం వహించిన ఈ మూవీ సరదాగా ఉండే ఓ డిటెక్టివ్ కు సీరియస్ క్రైమ్ ని టేకప్ చేయాల్సి వచ్చినప్పుడు ఎదురయ్యే పరిస్థితుల ఆధారంగా రూపొందించారు