మరో వారంపాటు పవర్ స్టార్ యాక్షన్ పార్ట్!

పవర్ స్టార్ పవన్ కళ్యాణ్ ప్రస్తుతం తన ఫస్ట్ చారిత్రాత్మక చిత్రం 'హరహర వీరమల్లు' సినిమాను శరవేగంగా కంప్లీట్ చేస్తున్నాడట. పాలిటిక్స్ వలన సినిమాఇండస్ట్రీ నుండి చాలా బ్రేక్ తీసుకున్న పవన్ వరుసగా నాలుగు సినిమాలను లైన్ లో పెట్టేసాడు. వీటిలో ముందుగా ఆల్రెడీ విడుదలకు వకీల్ సాబ్ రెడీగా ఉంది కాబట్టి అదే ముందు థియేటర్లోకి రానుంది. ఈ సినిమా ఏప్రిల్ 9న విడుదల కాబోతుంది. ఇప్పటికే పవన్ సినిమాలపై భారీ అంచనాలు నెలకొన్న సంగతి తెలిసిందే. అలాంటిది మరి పవన్ సినిమాల గురించి ఎలాంటి అప్డేట్ వచ్చినా అది వైరలే అవుతోంది. పవర్ స్టార్ ప్రస్తుతం 27వ సినిమాను క్రియేటివ్ డైరెక్టర్ క్రిష్ తో చేస్తున్నాడు. హిస్టోరికల్ నేపథ్యంలో సీనియర్ ప్రొడ్యూసర్ ఏఎం రత్నం ఈ సినిమాను భారీ బడ్జెట్ తో నిర్మిస్తున్నాడు. దాదాపు ఈ సినిమాకు 150 కోట్లకు పైగా బడ్జెట్ అంచనా వేసినట్లు వార్తలు వినిపిస్తున్నాయి.

అయితే మొఘలుల సామ్రాజ్యంలోని ఓ బందిపోటు చుట్టూ ఈ సినిమా కథ తిరుగుతుందని సమాచారం. హిస్టోరికల్ మూవీ కావడంతో భారీ సెట్లతో ఆ కాలంనాటి నేటివిటీని చూపించేందుకు పక్కడ్బంధీగా ప్లాన్ చేస్తున్నాడట డైరెక్టర్ క్రిష్. పవన్ కళ్యాణ్ కెరీర్లోనే ఫస్ట్ హిస్టోరికల్ మూవీ ఇదే. ప్రస్తుతం ఈ సినిమా షూటింగ్ హైదరాబాద్ లో జరుగుతుంది. పవన్ తో భారీ ఇంటర్వెల్ యాక్షన్ సీక్వెన్స్ షూట్ చేస్తున్నట్లు తెలుస్తుంది. మరోవారం రోజులపాటు ఇదే యాక్షన్ సీక్వెన్స్ చిత్రికరిస్తారట. ఇదిలా ఉండగా.. ఈ సినిమాలో పవన్ కళ్యాణ్ సరసన నిధిఅగర్వాల్ కథానాయికగా నటిస్తోంది. బాలీవుడ్ యాక్ట్రెస్ జాక్వెలిన్ ఫెర్నాండెజ్ మరో నాయిక కాగా అర్జున్ రాంపాల్ కీలకపాత్రలో కనిపించనున్నాడు. ఈ సినిమా పాన్ ఇండియా రేంజిలో విడుదల కాబోతుందని టాక్. చూడాలి మరి మేకర్స్ ఎలా స్పందిస్తారో!