దిల్ రాజు పై గుర్రుగా ఉన్న పవర్ స్టార్ ఫ్యాన్స్..?

పవర్ స్టార్ పవన్ కళ్యాణ్ రీ ఎంట్రీ ఇస్తున్న సినిమా ''వకీల్ సాబ్''. శ్రీరామ్ వేణు దర్శకత్వం వహిస్తున్న ఈ చిత్రాన్ని బోనీ కపూర్ సమర్పణలో శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మిస్తున్నారు. ఏప్రిల్ 9న విడుదల కానున్న ఈ సినిమా కోసం పీకే ఫ్యాన్స్ ఆస‌క్తిగా ఎదురుచూస్తున్నారు. ఫ్యాన్స్ తో పాటు మిగ‌తా ఆడియెన్స్ ని కూడా ఆక‌ట్టుకోవ‌డానికి చిత్ర యూనిట్ ఆల్రేడీ ప్ర‌మోష‌న్స్ స్టార్ట్ చేసేసింది. డైరెక్టర్ వేణు శ్రీరామ్ - మ్యూజిక్ డైరెక్టర్ థమన్ - లిరిసిస్ట్ రామజోగయ్య శాస్త్రి ఓ స్పెషల్ ప్రోగ్రామ్ షూట్ చేసి వదిలారు. అలానే థమన్ త‌న టీమ్ తో కాలేజ్ టూర్స్ అంటూ మ్యూజిక్ ఫెస్ట్ లంటూ జ‌నాల్లోకి 'వ‌కీల్ సాబ్' ని తీసుకెళ్లడానికి ట్రై చేస్తున్నాడు. అయినప్పటికీ పవన్ సినిమాపై బజ్ రావడం లేదని.. ప్రమోషన్స్ ను సరైన యాంగిల్ లో నిర్మాత దిల్ రాజు ప్లాన్ చేయడం లేదని పవర్ స్టార్ ఫ్యాన్స్ సోషల్ మీడియాలో కామెంట్స్ చేస్తున్నారు.

టాలీవుడ్ స్టార్ హీరోలందరితో సినిమాలు తీసిన దిల్ రాజు.. పవన్ తో సినిమా కోసం చాలా ఏళ్లుగా ఎదురుచూసాడు. ఈ నేపథ్యంలో పవన్ కంబ్యాక్ మూవీని నిర్మించే అవకాశం రావడంతో 'పింక్' రీమేక్ ని తీసుకొని బోనీ కపూర్ తో కలిసాడు. అయితే రిలీజ్ డేట్ దగ్గర పడుతున్నా ఈ సినిమా అప్డేట్స్ సరిగా ఇవ్వడం లేదని.. ప్రమోషన్స్ లో పాల్గొనడం లేదని పవన్ అభిమానులు ఆరోపిస్తూనే ఉన్నారు. మహేష్ బాబు 'మహర్షి' సినిమాకి అవార్డ్ వ‌స్తే టపాసులు కాల్చి మైకు ముందుకొచ్చి మాట్లాడిన దిల్ రాజు.. 'వకీల్ సాబ్' సినిమాను ప్ర‌మోట్ చేయ‌డంలో మాత్రం పెద్ద‌గా ఆసక్తి చూపించ‌డం లేదని కామెంట్స్ చేస్తున్నారు. ఈ విషయంలో దిల్ రాజు త‌మ హీరోను అవ‌మానిస్తున్నాడ‌ని ప్రస్తుతం పీకే ఫ్యాన్స్ గ్రూపుల్లో చర్చ జరుగుతోంది. మరి సినిమా నిర్మాణంలో తలపండిన దిల్ రాజు.. 'వకీల్ సాబ్' పబ్లిసిటీ విషయంలో ఎలాంటి ప్లాన్స్ చేస్తున్నాడో చూడాలి.