లేటెస్ట్ క్లిక్: #PSPKRana మూవీ సెట్స్ లో పవర్ స్టార్..!

పవర్ స్టార్ పవన్ కళ్యాణ్ - దగ్గుబాటి రానా హీరోలుగా ఓ మల్టీస్టారర్ తెరకెక్కుతున్న విషయం తెలిసిందే. ఇది మలయాళ సూపర్ హిట్ 'అయ్యప్పనుమ్ కోషియమ్' చిత్రానికి రీమేక్. ఇందులో పవర్ ఫుల్ పోలీస్ ఆఫీసర్ గా పవన్ నటిస్తుండగా.. అతనిని ఢీకొట్టే పవర్ ఫుల్ ఇగోయిస్ట్ పాత్రలో రానా కనిపించనున్నారు. ఇప్పటికే 40 శాతం షూటింగ్ జరుపుకున్న ఈ సినిమా టాకీ పార్ట్ మే నెలాఖరుకు పూర్తి కానుంది. రాబోయే ఆగస్ట్ లేదా సెప్టెంబర్ నెలలో ఈ సినిమాని విడుదల చేస్తామని మేకర్స్ వెల్లడించారు. తాజాగా పవన్ కళ్యాణ్ సెట్స్ లో ఉన్న ఓ ఫోటో బయటకు వచ్చింది. దీనిని చూసిన పీకే ఫ్యాన్స్ పవన్ స్వాగ్ అంటూ సోషల్ మీడియా మధ్యమాలలో షేర్ చేసేస్తున్నారు.

కాగా, #PSPKRana చిత్రానికి సాగర్.కె.చంద్ర దర్శకత్వం వహిస్తున్న్నారు. త్రివిక్రమ్ శ్రీనివాస్ స్క్రీన్‌ప్లే మరియు డైలాగ్స్ అందిస్తున్నాడు. మలయాళ స్టోరీలో తెలుగు నేటివిటీకి తగ్గట్లు పలు మార్పులు చేయడంతో పాటు పవన్ కోసం ఫ్లాష్ బ్యాక్ ఎపిసోడ్ పెడుతున్నారు. ఇందులో పవన్ ఓ ఫోక్ సాంగ్ కూడా పాడనున్నారు. థమన్ సంగీతం సమకూరుస్తుండగా.. ప్రసాద్ మూరెళ్ళ సినిమాటోగ్రాఫర్ గా వ్యవహరిస్తున్నాడు. నవీన్ నూలి ఎడిటింగ్ బాధ్యతలు నిర్వర్తిస్తున్నారు. ఏ.ఎస్.ప్రకాష్ ఆర్ట్ డైరెక్టర్ గా వర్క్ చేస్తున్నారు. సితార ఎంటర్‌టైన్‌మెంట్స్ బ్యానర్‌ పై సూర్యదేవర నాగవంశీ ఈ చిత్రాన్ని నిర్మిస్తున్నాడు. ఉగాది సందర్భంగా ఈ సినిమా టైటిల్ అనౌన్స్ చేయనున్నట్లు సమాచారం.