మెగాస్టార్ 'హీరోయిజం ఎలివేషన్స్'కి థియేటర్లలో మోతేనట!

మెగాస్టార్ చిరంజీవి 152వ సినిమా.. ఆచార్య పై రోజురోజుకి అంచనాలు భారీగా పెంచుతున్నారు చిత్రబృందం. ఈ సినిమాను టాలీవుడ్ సక్సెస్ ఫుల్ డైరెక్టర్ శివ కొరటాల తెరకెక్కిస్తుండగా మాట్నీ ఎంటర్టైన్మెంట్ మరియు కొణిదెల ప్రొడక్షన్స్ వారు సంయుక్తంగా నిర్మిస్తున్నారు. ఇప్పటికే చాలా వరకు ఈ చిత్ర షూటింగ్ పూర్తయిందట. నిజానికి ఈ నెలలోనే కొత్త షెడ్యూల్ మొదలుకావాల్సి ఉందట. సామాజిక అంశానికి కమర్షియల్ ఎలిమెంట్స్ జోడించి సినిమాలను రూపొందించడంలో డైరెక్టర్ కొరటాల శివ దిట్ట అనిపించుకున్నారు. అయితే తాజాగా ఈ సినిమా గురించి ఆసక్తికరమైన విషయం తెలిసింది. ఇక తాజా సమాచారం ప్రకారం.. ఈ సినిమాలో మెగాస్టార్ పాత్ర చాలా స్ట్రాంగ్ గా ఉండబోతుందట. చిరు పాత్రలో ముఖ్యంగా హీరో ఎలివేషన్స్ థియేటర్లలో విజిల్స్ వేయిస్తాయని తెలుస్తుంది.

ఆ రేంజ్ లో మెగాస్టార్ ను కాప్చర్ చేస్తున్నాడట కొరటాల. ఇక ఈ సినిమాలో చిరు పాత్ర సీరియస్ గా సాగుతూనే గుండెలను పిండేస్తుందట. అంతలా ట్విస్టులు, హీరో స్టైల్.. పోరాట ఘట్టాలు.. ఇలా అన్నీ అంశాలు మేళవించానని ఇదివరకే బయట పెట్టాడు డైరెక్టర్ కొరటాల. చిరు కోసం బాగా ఎమోషన్స్ తో కూడిన బలమైన డైలాగ్స్, యాక్షన్ సన్నివేశాలు కోకొల్లలుగా ఉన్నాయట. మొత్తానికి ఈ సినిమాలో మనం పవర్ఫుల్ చిరంజీవిని చూస్తామని అర్ధమవుతుంది. రాను రాను మెగాస్టార్ ఆచార్య పై అభిమానులలో అంచనాలు ఆకాశాన్ని తాకుతున్నాయి. కాజల్ హీరోయిన్ గా నటిస్తున్న ఈ సినిమాలో మెగా పవర్ స్టార్ రాంచరణ్, నిహారికలు ముఖ్యపాత్రలు పోషిస్తున్నారు. ఇక ఈ సినిమాకు మణిశర్మ సంగీతం అందిస్తున్నారు. ఇదిలా ఉండగా మెగాస్టార్ చిరు తన తదుపరి సినిమా లూసిఫర్ స్క్రిప్ట్ పనులలో కూడా ఆన్లైన్ ద్వారా డైరెక్టర్ సుజిత్ తో చర్చిస్తున్నట్లు తెలుస్తుంది.