ప‌వ‌ర్ స్టార్ ఆ బిగ్ బ్యాన‌ర్ కి కూడా గ్రీన్ సిగ్న‌ల్

ప‌వ‌ర్ స్టార్ ప‌వ‌న్ క‌ల్యాణ్ రీఎంట్రీ స‌ర్వ‌త్రా ఆస‌క్తి రేకెత్తిస్తోంది. పీకే రీఎంట్రీ అంటూ సామాజిక మాధ్య‌మాల్లో జోరుగా ప్ర‌చారం సాగుతోంది. ఆ క్ర‌మంలోనే ప‌లువురు ద‌ర్శ‌కులు క‌థ‌లు రెడీ చేస్తున్నార‌న్న ప్ర‌చారం వేడెక్కిస్తోంది. ఇటీవ‌ల‌ క్రిష్ - సురేంద‌ర్ రెడ్డి- వేణు శ్రీ‌రామ్ పేర్లు ప్ర‌ముఖంగా వినిపించాయి. అయితే ఈ రేసులో వేణు శ్రీ‌రామ్ తో ప్రాజెక్ట్ క‌న్ఫామ్ అయ్యింది అంటూ వ‌చ్చిన‌ ఓ వార్త నేడు హీట్ పెంచింది. ఈ ప్రాజెక్టును ఈ నెల‌లోనే ప్రారంభించ‌నున్నారని... బోనీక‌పూర్ - దిల్ రాజు బృందం సంయుక్తంగా ఈ చిత్రాన్ని నిర్మిస్తార‌ని ప్ర‌చార‌మైంది. త‌మిళంలో అజిత్ న‌టించ‌గా బ్లాక్ బ‌స్ట‌ర్ అయిన పింక్ చిత్రాన్ని తెలుగులోనూ రీమేక్ చేయ‌బోతున్నార‌న్న‌ది హాట్ టాపిక్ గా మారింది. బిగ్ న్యూస్ అంటూ త‌ర‌ణ్ ఆద‌ర్శ్ ఇదే విష‌యాన్ని ట్వీట్ తో అగ్గి రాజుకుంది.

అయితే రేసులో వేణు శ్రీ‌రామ్ ముందు వ‌రుస‌లోకి వ‌చ్చారంటే.. మిగ‌తా ద‌ర్శ‌కులు ఏమైన‌ట్టు? క‌్రిష్ కూడా ప‌వ‌న్ కోసం క‌థ రెడీ చేస్తున్నారు. ఏఎం ర‌త్నం సూర్య మూవీస్ లో ఈ సినిమా ఉంటుంద‌ని.. మ‌రో 15 రోజుల్లో కామ్ గా సినిమా మొద‌లైపోనుంద‌ని ఓ సోర్స్ చెబుతోంది. 2016లోనే ఏ.ఎం.ర‌త్నం సినిమా చేయాల్సిన‌ది.. ఇంత‌కాలం ఆల‌స్య‌మైంది కాబ‌ట్టి ఇక ఈ మూవీ ప‌ట్టాలెక్కుతున్న‌ట్టేన‌ని వినిపిస్తోంది.

అలాగే ఈ సినిమా త‌ర్వాత ప‌వ‌న్ మైత్రి మూవీస్ తో క‌మిట్ మెంట్ ని పూర్తి చేస్తార‌న్న స‌మాచారం ఉంది. సైరా డైరెక్ట‌ర్ సురేంద‌ర్ రెడ్డి ప‌వ‌న్ కోసం ఓ క‌థ‌ను రెడీ చేస్తున్నారు. ప‌వన్ రీఎంట్రీపై ఎప్ప‌టిక‌ప్పుడు సాగుతున్న ఈ ప్ర‌చారంపై మ‌రింత పూర్తి క్లారిటీ రావాల్సి ఉంది.