ట్రెండింగ్ లో ప్రభాస్ '#Prabhas24'

యంగ్ రెబల్ స్టార్ ప్రభాస్ - ప్రముఖ బాలీవుడ్ డైరెక్టర్ సిద్ధార్థ్ ఆనంద్ కాంబినేషన్ లో ఓ సినిమా తెరకెక్కనుందని గత కొన్ని రోజులుగా వార్తలు వస్తున్న విషయం తెలిసిందే. మైత్రీ మూవీ మేకర్స్ బ్యానర్ లో ఈ పాన్ ఇండియా సినిమా ఉంటుందని అన్నారు. దీనికి ఇప్పటికే ఇద్దరికీ మైత్రీ టీమ్ భారీగా అడ్వాన్స్ గా ఇచ్చినట్లు టాక్ వచ్చింది. అయితే ప్రస్తుతం ప్రభాస్ ఉన్న బిజీకి, ఇప్పట్లో ఇది సాధ్యం కాకపోవచ్చని అందరూ అనుకున్నారు. అయితే ఇప్పుడు అనూహ్యంగా 'ప్రభాస్ - సిద్ధార్థ్ ఆనంద్' కాంబో గురించి నేషనల్ వైడ్ డిస్కషన్ జరుగుతోంది. దీనికి కారణం రీసెంటుగా ప్రభాస్ ని కలిసి సిద్ధార్థ్ స్టోరీ చెప్పడమే అని తెలుస్తోంది.

ప్రస్తుతం 'ఆదిపురుష్' సినిమా షూటింగ్ కోసం ప్రభాస్ ముంబైలో ఉన్న విషయం తెలిసిందే. అయితే ఇటీవల డైరెక్టర్ సిద్ధార్థ్ ఆనంద్ 'ఆదిపురుష్' సెట్స్ కి వెళ్లి పాన్ ఇండియా స్టార్ ని కలిసారట. అంతేకాదు ఈ మీటింగ్ లో ఫుల్ స్క్రిప్ట్ నేరేట్ చేసాడని.. ప్రభాస్ నుంచి గ్రీన్ సిగ్నల్ కూడా వచ్చిందని బాలీవుడ్ వర్గాలు వెల్లడించాయి. ప్రస్తుతం వీరిద్దరి కమిట్మెంట్స్ పూర్తయ్యాక ఈ మూవీ సెట్స్ పైకి వెళ్తుందని, త్వరలో ఈ ప్రాజెక్ట్ కు సంబంధించిన అధికారిక ప్రకటన వచ్చే అవకాశం ఉందని అంటున్నారు. ఈ నేపథ్యంలో '#Prabhas24' ట్విట్టర్ లో నేషనల్ వైడ్ ట్రెండ్ అవుతోంది.

సిద్దార్థ్ ఆనంద్ ప్రస్తుతం షారూఖ్ ఖాన్ - దీపికా పదుకొనే లతో 'పఠాన్' అనే సినిమా రూపొందిస్తున్నారు. దీని తరువాత హృతిక్ రోషన్ - దీపిక కాంబినేషన్ లో 'ఫైటర్' అనే ఓ యాక్షన్ థ్రిల్లర్ తెరకెక్కిస్తాడు. మరోవైపు డార్లింగ్ ప్రభాస్ 'రాధే శ్యామ్' 'ఆదిపురుష్' 'సలార్' సినిమాలతో పాటు నాగ్ అశ్విన్ దర్శకత్వంలో ఓ పాన్ ఇంటర్నేషనల్ ప్రాజెక్ట్ చేయాల్సి ఉంది. ఈ లైనప్ ని బట్టి చూస్తే ప్రభాస్ - సిద్ధార్థ్ కాంబోలో '#Prabhas24' పట్టాలెక్కడానికి 2023 వరకు టైం పట్టేలా ఉందని చెప్పొచ్చు.