ఒక్క ఆదిపురుష్ వల్ల.. ఇన్ని ఆగిపోయాయి

యంగ్ రెబల్ స్టార్ ప్రభాస్ ప్రస్తుతం వరుసగా పాన్ ఇండియా ప్రాజెక్ట్స్ చేస్తున్న సంగతి విదితమే. ఈ సినిమా జూన్ 16న ప్రపంచ వ్యాప్తంగా రిలీజ్ కాబోతోంది. ఇదిలా ఉంటే ప్రస్తుతం ప్రభాస్ ప్రశాంత్ నీల్ దర్శకత్వంలో సలార్ మూవీ చేస్తున్నారు. మారుతి దర్శకత్వంలో రాజా డీలాక్స్ తెరకెక్కుతోంది. అలాగే నాగ్ అశ్విన్ దర్శకత్వంలో ప్రాజెక్ట్ కె మూవీ కూడా పట్టాలు ఎక్కుతోంది.

అయితే ఈ సినిమాలకి సంబందించిన అప్డేట్స్ కావాలని సోషల్ మీడియాలో ఫ్యాన్స్ చాలా రోజులుగా డిమాండ్ చేస్తోన్నారు. ముఖ్యంగా మారుతి సినిమా నుంచి కనీసం పోస్టర్ కూడా బయటకి రాలేదు. దీనిపై మారుతిని ప్రభాస్ ఫ్యాన్స్ విపరీతంగా ట్రోల్ చేస్తున్నారు. అయితే మిగిలిన సినిమాలని టీజర్, పోస్టర్ కాని రాకపోవడానికి కారణం ఆదిపురుష్ మూవీ అని తెలుస్తోంది.

ఈ సినిమా రిలీజ్ వరకు మిగిలిన మూవీస్ కి సంబందించిన అప్డేట్స్ ఏవీ కూడా ఇవ్వొద్దని డార్లింగ్ ప్రభాస్ క్లారిటీగా దర్శకులకి చెప్పినట్లు టాక్ వినిపిస్తోంది. ఆడియన్స్ ఆటెన్సన్ అంతా కూడా కంప్లీట్ గా ఆదిపురుష్ మీద మాత్రమే ఉండాలని, ఒక వేళ మిగిలిన సినిమాలకి సంబందించిన టీజర్ వంటివి రిలీజ్ అయితే ఆదిపురుష్ సినిమాపై బజ్ క్రియేట్ కాదని భావిస్తున్నారు.

ఈ నేపధ్యంలోనే మూవీ రిలీజ్ తర్వాతనే సలార్ నుంచి టీజర్ వచ్చే అవకాశాలు ఉన్నాయనే మాట ఫిల్మ్ నగర్ సర్కిల్ లో వినిపిస్తోంది. అలాగే ప్రాజెక్ట్ కె ఫస్ట్ లుక్ కూడా ఆదిపురుష్ మూవీ రిలీజ్ తర్వాతనే వస్తుందని అంచనా వేస్తున్నారు. దాంతో పాటు రాజా డీలాక్స్ మూవీ అప్డేట్ కూడా జూన్ 16 తర్వాత ఉండే ఛాన్స్ ఉందని టాక్.

మొత్తానికి ఆదిపురుష్ రిలీజ్ లేట్ కారణంగా ఏకంగా మూడు సినిమాలకి సంబంధించి అప్డేట్స్ వెనక్కి వెళ్ళిపోతున్నాయి. అయితే ఈ సినిమా మాత్రం వరుస వివాదాలలో ఇరుక్కుంటూ నెగిటివిటీ పెంచుకుంటోంది. మరి ఆదిపురుష్ తో ప్రభాస్ శ్రీరాముడిగా ఏ మేరకు ప్రేక్షకులని కన్విన్స్ చేస్తాడనేది వేచి చూడాలి.