వావ్.. ప్రభాస్, అఖిల్ ఒకే రోజు

అవును ప్రభాస్ సినిమా, అఖిల్ సినిమా విడుదల తేదీ ఒక్కటే. అలాగని వాళ్లిద్దరూ వచ్చే ఏడాదికి తమ కొత్త సినిమాల రిలీజ్ డేట్లు ఫిక్స్ చేసుకున్నారేమో అనుకోకండి. హీరోగా వీళ్లిద్దరి తొలి సినిమాల విడుదల తేదీ ఒక్కటే కావడం విశేషం. 13 ఏళ్ల కిందట, 2002లో ప్రభాస్ తొలి సినిమా ‘ఈశ్వర్’ నవంబరు 11న ప్రేక్షకుల ముందుకొచ్చింది.

ఇప్పుడు సరిగ్గా అదే తేదీకి హీరోగా అఖిల్ ఫస్ట్ మూవీ రిలీజవుతుండటం యాదృచ్ఛికమే. ఐతే అఖిల్ తొలి సినిమా మీద ఉన్నట్లు ప్రభాస్ డెబ్యూ మూవీ మీద అంత అంచనాల్లేవు. అతడికి అంతగా క్రేజ్ కూడా లేదు. ‘ఈశ్వర్’ సినిమా కూడా జస్ట్ ఏవరేజ్ అనిపించుకుంది. కానీ ఆ తర్వాతి కాలంలో ఇంతింతై అని ఎదిగి.. ప్రస్తుతం టాలీవుడ్ బిగ్గెస్ట్ స్టార్లలో ఒకడిగా ఎదిగాడు ప్రభాస్.

ఇక అఖిల్ సంగతి చెప్పాల్సిన పని లేదు. హీరోగా తొలి సినిమా రిలీజ్ కాకముందే అతడికి స్టార్ ఇమేజ్ వచ్చేసింది. ‘అఖిల్’ మూవీ మీద కూడా భారీ అంచనాలున్నాయి. ఈ సినిమా ఆ అంచనాల్ని అందుకుంటే అఖిల్ రేంజే మారిపోతుంది. నవంబరు 11న లాంచ్ అయి బిగ్ స్టార్ అయిన ప్రభాస్ లాగే అఖిల్ కూడా ఎదుగుతాడేమో చూద్దాం.