సంక్రాంతికి కర్చీఫ్‌ వేసిన ప్రభాస్‌

యంగ్‌ రెబల్‌ స్టార్‌ ప్రభాస్‌ ‘బాహుబలి’ చిత్రం తర్వాత వరుసగా సంవత్సరంలో రెండు మూడు సినిమాలు చేస్తాడని ఫ్యాన్స్‌ ఆశించారు. కాని ‘బాహుబలి 2’ చిత్రం విడుదల సంవత్సరం ఎప్పుడో దాటినా ఇంకా తదుపరి చిత్రాన్ని విడుదల చేయలేదు. ప్రస్తుతం సుజీత్‌ దర్శకత్వంలో ప్రభాస్‌ ‘సాహో’ చిత్రాన్ని చేస్తున్నాడు. ఆ సినిమా భారీ చిత్రం అవ్వడంతో కాస్త ఎక్కువ సమయం తీసుకుంటుంది. ముందు 2019 ఆరంభంలో అన్నారు, ఆ తర్వాత సమ్మర్‌ లో అన్నారు, ఇప్పుడు ఆగస్టు 15 అంటున్నారు. సాహోతో ప్రభాస్‌ ఒక లవ్‌ స్టోరీ చిత్రాన్ని చేస్తున్నాడు.

జిల్‌ దర్శకుడు రాధాకృష్ణ దర్శకత్వంలో రూపొందుతున్న చిత్రంలో ప్రభాస్‌ నటిస్తున్నాడు. ఒక డిఫరెంట్‌ లవ్‌ స్టోరీతో ఆ మూవీ తెరకెక్కుతున్నట్లుగా చెబుతున్నారు. 1980 కాలంలో జరిగే లవ్‌ స్టోరీతో ఆ సినిమా రూపొందుతుందట. ఇప్పటికే ఒక షెడ్యూల్‌ కూడా జరిగింది. ఇటలీలో జరిగిన ఆ షెడ్యూల్‌ లో ప్రభాస్‌ తో పాటు హీరోయిన్‌ పూజా హెగ్డే కూడా పాల్గొంటుంది.

రాధాకృష్ణ దర్శకత్వంలో రూపొందుతున్న మూవీ భారీ బడ్జెట్‌ మూవీ ఏం కాదు కనుక కాస్త ముందే వచ్చే అవకాశాలున్నాయని అనుకుంటున్నారు. కాని సాహో పూర్తి అయ్యే వరకు ఆ మూవీని అప్పుడప్పుడు మాత్రమే చేస్తాడట. సాహో ఆగస్టులో వస్తే ఆ లవ్‌ స్టోరీ మూవీని 2020 సంక్రాంతికి తీసుకు రావాలని నిర్ణయించారు. సంవత్సరంకు పైగా ఉండగానే 2020 సంక్రాంతి స్థానంపై ప్రభాస్‌ కర్చీఫ్‌ వేశాడు. ఈ చిత్రంలో ప్రభాస్‌ ను చాలా స్టైలిష్‌ గా దర్శకుడు రాధాకృష్ణ చూపించబోతున్నాడని ఇప్పటికే లీక్‌ అయిన కొన్ని ఫొటలను బట్టి అనిపిస్తుంది.