ప్చ్.. ప్రభాస్ సినిమా ఇప్పుడే కాదట

ప్రభాస్ ఇప్పుడు జస్ట్ టాలీవుడ్ స్టార్ కాదు. ఈమధ్యే ఇండియా టుడే వారు నిర్వహించిన 'మూడ్ ఆఫ్ ది నేషన్' పోల్ లో మేల్ సూపర్ స్టార్ విభాగంలో టాప్-5 లో చోటు సాధించిన ఒకే ఒక్క సౌత్ ఇండియన్ యాక్టర్ ప్రభాస్. మరి అలాటి క్రేజ్ ఉన్నప్పుడు అటోమేటిక్ గా ప్రభాస్ తదుపరి చిత్రం పై ప్రేక్షకుల ఆసక్తి పీక్స్ లోనే ఉంటుంది కదా. ప్రభాస్ ప్రస్తుతం 'సాహో' సినిమాలో నటిస్తున్నాడు. ఈ సినిమా వచ్చే ఏడాది సమ్మర్ కు రిలీజ్ అవుతుంది.

ఈ సినిమా కాకుండా ప్రభాస్ మరో లవ్ స్టోరీకి పచ్చజెండా ఊపిన సంగతి తెలిసిందే. 'జిల్' ఫేమ్ రాధాకృష్ణ దర్శకత్వంలో తెరకెక్కనున్న ఈ సినిమాను UV క్రియేషన్స్ వారే నిర్మిస్తారు. ఈ సినిమాను ఆగష్టు మూడో వారంలో లాంచ్ చేసేందుకు మొదట ప్లాన్ చేసుకున్నారు. కానీ ఇప్పుడేమో మూడోవారం పూర్తయి నాలుగో వారం లోకి అడుగుపెట్టినా ప్రభాస్ లవ్ స్టొరీ న్యూస్ మాత్రం వినిపించడం లేదు. తాజా సమాచారం ప్రకారం ఈ సినిమా లాంచ్ ను కొద్ది రోజులు వాయిదా వేయాల్సింది గా ప్రభాస్ కోరడంతో నిర్మాతలు - దర్శకుడు ఆపారట. మరి కొత్త లాంచ్ డేట్ విషయంలో మాత్రం ఇంకా స్పష్టత లేదు.

ఇక ఈ లవ్ స్టొరీ ప్రీ ఇండిపెండెన్స్ పీరియడ్ లో జరుగుతుందని - సినిమాలో ఎక్కువ భాగం యూరోప్ లో షూటింగ్ జరుపుతారట. ఈ సినిమాలో ప్రభాస్ హస్తసాముద్రికుడు గా కనిపిస్తాడట. అంటే ఏంటని అడక్కండి.. పామిస్ట్. చెయ్యి చూసి జాతకాన్ని చెప్పడంలో స్పెషలిస్ట్!