డార్లింగ్ సినిమా 2020లోనే

ప్రస్తుతం సాహో ఒక పక్క రాధాక్రిష్ణ దర్శకత్వంలో చేస్తున్న ఇంకో ప్రాజెక్ట్ తో మరోపక్క ఉక్కిరిబిక్కిరి అవుతున్న ప్రభాస్ ఇకపై ఏడాదికో సినిమాతో అభిమానులను అలరించేందుకు రెడీ అవుతున్నాడు. సాహో ఆగస్ట్ 15 లాక్ చేశారు కాబట్టి ఏ టెన్షన్ లేదు. అయితే ఇలాంటి భారీ ప్రాజెక్టుల రిలీజ్ డేట్ల మీద ఖచ్చితమైన నమ్మకం పెట్టుకోలెం కాని మొత్తానికి ఈ ఏడాదిలోనే రావడం పక్కా. అది మిస్ అయినా దసరాకైనా వచ్చే ఛాన్స్ ఉంటుంది.

ఇక రాధాకృష్ణ దర్శకత్వంలో రూపొందుతున్న మూవీ రెండు షెడ్యూల్స్ పూర్తి చేసుకుంది. ఈ మేరకు సదరు దర్శకుడు తన ట్విట్టర్ లో పెట్టిన కీలకమైన అప్ డేట్ ఫ్యాన్స్ కి కిక్ ఇస్తోంది. షూటింగ్ లో భాగంగా పూర్తైన భాగం గురించి చెబుతూ వచ్చే సంవత్సరం అంటే 2020లో దీన్ని విడుదల చేస్తామని కాలాతీతమైన ఇద్దరు ప్రేమికుల కథను యూరోప్ బ్యాక్ డ్రాప్ లో చూసి ఎంజాయ్ చేయమని ఊరిస్తూ మెసేజ్ పెట్టాడు

సో ఈ సినిమా గురించి క్లారిటీ వచ్చేసినట్టే. అయితే రాధాకృష్ణ ఏ సమయంలో వస్తుంది అనేది మాత్రం చెప్పలేదు. ఇది కూడా వందల కోట్ల బడ్జెట్ తో రూపొందిస్తున్న మూవీ కాబట్టి సంక్రాంతికి వచ్చే అవకాశాలు తక్కువ. ఒకవేళ అది మిస్ అయితే సమ్మర్ కు వెళ్ళక తప్పదు. మధ్యలో వచ్చే డ్రై సీజన్ లో ఇలాంటి కాన్వాస్ ఉన్న మూవీని రిలీజ్ చేయడం రిస్క్ అవుతుంది.

ఇదంతా ఇప్పటికిప్పుడు కొలిక్కి వచ్చేది కాని ఎప్పుడెప్పుడు సాహో వస్తుందా అనే ఎదురుచూపుల్లో బిజీగా ఉన్న డార్లింగ్ ఫ్యాన్స్ కు ఈ న్యూస్ స్వీట్ సర్ప్రైజ్ గా వచ్చింది. ఈ రెండు తర్వాత ప్రభాస్ ఎవరితో చేస్తాడు అనేది మాత్రం సస్పెన్స్ గా మిగిలింది