ప్రభాస్‌, రానాలు అనుష్కకు ఇంత స్పెషల్‌..!

అనుష్క ఒక పేరు కాదు.. బ్రాండ్‌ అనడంలో సందేహం లేదు. ఇండస్ట్రీలో వందల కొద్ది హీరోయిన్స్ ఉన్నారు కానీ ఆమె లాంటి హీరోయిన్స్ మాత్రం లేరు. కోట్ల రూపాయలు కోరుకునే హీరోయిన్స్‌ ఉంటారు కాని పని తృప్తి కోరుకునే హీరోయిన్స్ కొద్ది మందే ఉంటారు. అందులో అనుష్క ఉంటారు అనడంలో సందేహం లేదు.

ఏడాదికి అయిదు పది సినిమాలు చేసి పదుల కోట్ల రూపాయలను పారితోషికంగా తీసుకోగల స్టార్‌ డమ్‌ ఉన్న అనుష్క బాహుబలి తర్వాత తన సినీ కెరీర్‌ మొత్తంను మార్చేసినట్లుగా మెల్లగా సినిమాలు చేసుకుంటూ వస్తుంది. అనుష్క సినిమాలు చేయక పోవడంకు కారణం ఏంటో అనే విషయం పక్కన పెడితే కనీసం సోషల్‌ మీడియాలో అయినా యాక్టివ్ గా ఉండదు.

ఇన్‌ స్టా గ్రామ్‌ లో పెద్దగా యాక్టివ్‌ గా లేకున్నా కూడా అనుష్క ఏకంగా 5.6 మిలియన్ల ఫాలోవర్స్ ను కలిగి ఉంది. సాదారనంగా స్టార్స్ ఎక్కువగా సోషల్‌ మీడియాలో ఇతర సెలబ్రెటీలను ఫాలో అయ్యేందుకు ఇష్టపడరు. ఒకరిని ఫాలో అయితే మరొకరు ఫీల్ అవ్వడం.. ఫ్యాన్స్ మనోభావాలు దెబ్బ తినడం వంటివి జరుగుతాయి.

కానీ ఈ విషయంలో కూడా అనుష్క విభిన్నం అని నిరూపించుకుంది. అనుష్క ఇన్ స్టా లో 23 మందిని ఫాలో అవుతుంది. ఆ 23 మంది లో టాలీవుడ్‌ హీరోలు ప్రభాస్ మరియు రానాలు మాత్రమే ఉన్నారు.

తనకు అత్యంత ఆప్తులు రానా మరియు ప్రభాస్ అని అనుష్క కొన్ని పదుల సార్లు.. ఎన్నో ఇంటర్వ్యూల్లో చెప్పింది. ఆమె ఫాలోయింగ్‌ జాబితా చూస్తే వారిద్దరు అనుష్క కు ఎంత స్పెషల్‌ అనేది తేలిపోయింది.

తెలుగు దర్శకుడు మెహర్‌ రమేష్ ను కూడా ఈమె ఫాలో అవుతుంది. కొందరు టాలీవుడ్‌ సెలబ్రెటీలను మరియు స్పోర్ట్స్‌ పర్సన్స్‌ ను ఇంకా తన అభిమానులను కూడా ఈ అమ్మడు ఫాలో అవుతుంది. ఇక ఈమె సినిమాల విషయానికి వస్తే యూవీ క్రియేషన్స్ లో ప్రస్తుతం ఒక సినిమాను చేస్తోంది. ఆ సినిమా స్లోగా సాగుతూ ఉంది. ఆ సినిమా తర్వాత అయినా అనుష్క స్పీడ్‌ గా సినిమాలు చేస్తుందేమో చూడాలి.