యునవర్సిటీలో ప్రభాస్-రానా బలప్రదర్శన

అక్కడంతా స్టూడెంట్స్. ఎందుకంటే అది చండీఘడ్ యునివర్సిటీ. ఎటు చూసినా కూడా జనాలు కిక్కిరిసిపోతున్నారు. ఇంకా తెలుగులో కనీసం ఒక్క ఇంటర్యూ కూడా ఇవ్వని కండలవీరులు ప్రభాస్ ఉప్పలపాటి అండ్ రానా దగ్గుబాటి.. ఇప్పుడు బాలీవుడ్ కోసం నానా హంగామా చేస్తున్నారు. అక్కడ రోజుకో ఊరు తిరుగుతూ తెగ ఇంటర్యూలు ఇస్తున్నారు.

అదిగో చూడండి.. నిన్న చండీఘర్ లో ప్రభాస్ అండ్ రానా సందడి చేశారు. అక్కడి యునివర్సిటీలో స్టూడెంట్లతో ఇంటరాక్ట్ అయ్యి సినిమా గురించి ప్రస్తావించడమే కాకుండా.. బాహబలి 2లో ఎలాగో తలపడనున్న వీళ్ళిద్దరూ ఇప్పుడు నిజంగానే ఒక చిన్న ఫీట్ చేశారు. ఇద్దరూ కూడా చేతులతో అక్కడ హ్యాండ్ పవర్ చూపిస్తూ కుస్తీలు పట్టారు. బలప్రదర్శనను ఎంకరేజ్ చేస్తూ అక్కడి జనాలు కూడా కొందరు ప్రభాస్ వైపు కొందరు రానా వైపునా చేరి నానా రచ్చ చేశారు. ఆ వీడియో చూడండి మీకే అర్ధమవుతుంది.

ఏప్రియల్ 28న బాహుబలి 2 సినిమా ప్రపంచవ్యాప్తంగా రిలీజ్ కు సిద్దమవుతోంది. అయతే ఈ సినిమాను కేవలం బాలీవుడ్ కోసం నార్త్ రాష్ట్రాల్లోనే కాకుండా.. మన హైదరాబాద్ లో కూడా వీళ్లిద్దరూ ప్రమోట్ చేస్తే బాగుంటుందని జనాలు మనవి చేసుకుంటున్నారు. వింటున్నారా రాజా!!




Like Us on Facebook : https://www.facebook.com/Tupakidotcom/