వైరల్ పిక్: రొమాంటిక్ మూడ్ లో డార్లింగ్

ప్రభాస్ తాజా చిత్రం 'సాహో' ఎప్పుడెప్పుడు రిలీజ్ అవుతుందా అని ప్రేక్షకులు అంతా ఆసక్తిగా ఎదురు చూస్తున్నారు. రిలీజ్ డేట్ ఆగష్టు 15 అని తెలిసిందే. చివరి దశ షూటింగ్ లో ఉన్న 'సాహో' కు పోస్ట్ ప్రొడక్షన్ కార్యక్రమాలు కూడా జోరుగా సాగుతున్నాయి. ఇదిలా ఉంటే తాజాగా ఈ సినిమా నుండి ఒక పిక్ లీకయింది.

ఈ లీక్డ్ స్టిల్ లో ప్రభాస్.. శ్రద్ధా కపూర్ మంచి రొమాంటిక్ మూడ్ లో ఉన్నారు. ఒక స్టెయిన్ లెస్ స్టీల్ రెయిలింగ్ ను పట్టుకుని ఒకరికొకరు ఎదురుగా నిలబడి ఉన్నారు. ఒకరికళ్ళలోకి ఒకరు ప్రేమగా చూస్తూ ఉన్నారు. పింక్ కలర్ డ్రెస్ లో ఉన్న శ్రద్ధా ఎక్స్ ప్రెషన్ మరింత రొమాంటిక్ గా ఉంది. వైట్ షర్ట్ లో ఉన్న ప్రభాస్ బాలీవుడ్ హీరోలా కనిపిస్తున్నాడు. ఈ స్టిల్ ఇప్పుడు సోషల్ మీడియాలో వైరల్ అయింది. ఇప్పటివరకూ 'సాహో' కు సంబంధించిన ప్రోమో మెటీరియల్ కానీ.. లీక్డ్ పిక్స్ కానీ అన్నీ యాక్షన్ ప్రధానమైనవి. ఇప్పుడు లీకయిన పిక్ రొమాంటిక్ కావడంతో ఫ్యాన్స్ కు ఫుల్ జోష్ వచ్చింది.

సుజీత్ దర్శకత్వంలో తెరకెక్కుతున్న యాక్షన్ థ్రిల్లర్ 'సాహో' యూవీ క్రియేషన్స్ వారు నిర్మిస్తున్నారు. ఈ సినిమాను ఇంటర్నేషనల్ స్టాండర్డ్స్ లో తెరకెక్కించేందుకు దాదాపుగా రూ. 300 కోట్ల రూపాయలు ఖర్చు చేస్తున్నారని సమాచారం. మల్టి లింగువల్ సినిమాగా తెరకెక్కుతున్న 'సాహో' లో బాలీవుడ్ నటులతో పాటుగా సౌత్ కు చెందిన ఇతర భాషల యాక్టర్స్ కూడా నటిస్తున్నారు.