బాహుబ‌లి రిలీజ్ ముందురోజు డార్లింగ్ స‌ర్ ప్రైజ్‌

నెల‌ల త‌ర‌బ‌డి వెయిట్ చేస్తున్న బాహుబ‌లి 2 ప్రేక్ష‌కుల ముందుకు వ‌చ్చేసే స‌మ‌యం ఆస‌న్న‌మైంది. ఈ మోస్ట్ ఎవైటింగ్ మూవీ ప్ర‌పంచ వ్యాప్తంగా జూన్ 28న విడుద‌ల కానుంది. తెలుగుతో స‌హా మ‌రికొన్ని భాష‌ల్లో ఒకేసారి రిలీజ్ కానున్న ఈ మూవీ మీదున్న అంచ‌నాల గురించి ప్ర‌త్యేకంగా చెప్పాల్సిన అవ‌స‌రం లేదు. అయితే.. డార్లింగ్ ప్ర‌భాస్ ఫ్యాన్స్‌కు భారీ బొనంజా లాంటి విష‌యం ఒక‌టి బ‌య‌టకు వ‌చ్చింది.

ఏళ్ల‌కు ఏళ్ల పాటు త‌న కాల్షీట్లు మొత్తాన్ని బాహుబ‌లి కోసం ఇచ్చేసిన ప్ర‌భాస్‌.. ఆ మూవీ షూటింగ్ పూర్తి అయిన వెంట‌నే.. సుజిత్ ద‌ర్శ‌క‌త్వంలో యాక్ష‌న్ అడ్వెంచ‌స్ మూవీని చేస్తున్న సంగ‌తి తెలిసిందే. ఈ సినిమాకు సంబంధించిన టీజ‌ర్ షూట్‌ ను పూర్తి చేశార‌ని.. దాన్ని ఏప్రిల్ 28కు ముందు.. అంటే బాహుబ‌లి 2 రిలీజ్‌ కు రోజు ముందు ఈ టీజ‌ర్‌ ను విడుద‌ల చేయ‌నున్నారు. ప్ర‌భాస్ సొంత నిర్మాణ సంస్థ యూవీ క్రియేష‌న్స్ బ్యాన‌ర్ పై నిర్మిస్తున్న ఈ భారీ బ‌డ్జెట్ సినిమాకు సాహో అన్న టైటి్‌ ను ప‌రిశీలిస్తున్నారు. బాహుబ‌లి విడుద‌ల పండ‌గ ప్రారంభం కావ‌టానికి కొన్ని గంట‌ల ముందే.. డార్లింగ్ త‌న ఫ్యాన్స్‌కు డ‌బుల్ థ‌మాకా లాంటి ట్రీట్ ను త‌న తాజా టీజ‌ర్ ద్వారా ఇవ్వ‌నున్నార‌న్న మాట‌.

Like Us on Facebook : https://www.facebook.com/Tupakidotcom/