పిక్‌ టాక్‌ : మిస్‌ యూనివర్శ్‌ తో ప్రభాస్‌

యంగ్‌ రెబల్‌ స్టార్‌ ప్రభాస్‌ ‘బాహుబలి’కి ముందు టాలీవుడ్‌ లోనే ఒక స్టార్‌ హీరో. కాని ‘బాహుబలి’ తర్వాత బాలీవుడ్‌ లో కూడా మోస్ట్‌ వాంటెంట్‌ హీరోగా పేరు తెచ్చుకున్నాడు. బాలీవుడ్‌ స్టార్స్‌ సైతం ప్రభాస్‌ తో ఫొటో కోసం, సెల్ఫీ కోసం ఆరాట పడేలా పరిస్థితి మారిపోయింది. బాహుబలితో బాలీవుడ్‌ స్టార్స్‌ నే డామినేట్‌ చేసే స్థితికి చేరుకున్న ప్రభాస్‌ తాజాగా జైపూర్‌ కోటలో జరిగిన ఎస్‌ ఎస్‌ కార్తికేయ వివాహ వేడుకలో పాల్గొన్నాడు. ఆ వేడుకలో ప్రభాస్‌ చాలా స్పెషల్‌ గా నిలిచాడు.

మాజీ మిస్‌ యూనివర్శ్‌, బాలీవుడ్‌ స్టార్‌ అయిన సుష్మిత సేన్‌ తో ప్రభాస్‌ దిగిన ఫొటో ప్రస్తుతం సోషల్‌ మీడియాలో తెగ వైరల్‌ అవుతోంది. సుష్మిత అద్బుతమైన డిజైనర్‌ డ్రస్‌ లో ఉండగా, ప్రభాస్‌ కూడా ట్రెండీ సూట్‌ లో చాలా ఒద్దికగా, చేతులు వెనక పెట్టుకుని పద్దతిగా నిల్చున్నాడు. ప్రభాస్‌ సింప్లి సిటీకి అంతా కూడా ముగ్దులు అవుతున్నారు.

కార్తికేయ వివాహం సందర్బంగా స్టార్స్‌ కలయిక, వారి డాన్స్‌ లకు చెందిన వీడియోలు మరియు ఫొటోలు సోషల్‌ మీడియాను ముంచెత్తి వారి అభిమానులను ఆనందంలో తేలేలా చేస్తున్నాయి. రాజమౌళి డాన్స్‌, ఉపాసన, లక్ష్మీ ప్రణతి ఇతర స్టార్స్‌ సెల్ఫీలు ఇంకా రానా డోలు వాయించడం వంటి పలు ఆసక్తికర ఫొటోలు మరియు వీడియోలు ప్రేక్షకులకు మస్త్‌ ఎంటర్‌ టైన్‌ మెంట్‌ ను అందిస్తున్నాయి. అందులో భాగంగానే ఈ ఫొటో కూడా ప్రభాస్‌ ఫ్యాన్స్‌ కు కన్నుల పండుగగా అనిపిస్తుంది.