డైరెక్టర్ ఇంటిముందు ప్రభాస్.. ఎందుకంటే?

టాలీవుడ్ రెబల్ స్టార్ ప్రభాస్ సాహో రాధే శ్యామ్ సినిమాలతో వరుసగా బాక్సాఫీసు వద్ద అపజయాలను ఎదుర్కొన్న విషయం తెలిసిందే. ఇక ప్రస్తుతం అందరి ఫోకస్ అయితే అతని తదుపరి సినిమా ఆదిపురుష్ పైనే ఉంది. ఈ సినిమాపై అంచనాలు మామూలుగా లేవు. ఎందుకంటే ప్రభాస్ మొదటి సారిగా రాముడి పాత్రలో కనిపించబోతున్నాడు. రామాయణం ఆధారంగా తెరకెక్కుతున్న ఈ సినిమాను ప్రముఖ దర్శకుడు ఓం రావత్ డైరెక్ట్ చేస్తున్న విషయం తెలిసిందే.

తప్పకుండా ఈ సినిమా బాక్సాఫీస్ వద్ద సరికొత్త సెన్సేషన్ క్రియేట్ చేస్తుంది అనే చిత్ర యూనిట్ అయితే చాలా కాన్ఫిడెంట్ గా ఉంది. ఎందుకంటే కాస్టింగ్ తోనే ఈ సినిమాకు భారీ స్థాయిలో అయితే బజ్ క్రియేట్ చేశారు.

ప్రభాస్ రాముడి పాత్రలో నటించగా సైఫ్ అలీ ఖాన్ రావణాసుర పాత్రలో నటించడం జరిగింది. అలాగే ప్రముఖ హీరోయిన్ కృతిసనన్ సీత పాత్రలో నటించింది. అంతే కాకుండా మరికొంత మంది బాలీవుడ్ ప్రముఖ నటీనటులు ఆది పురుష సినిమాల్లో మంచి పాత్రల్లో నటించారు.

అయితే ఈ సినిమా షూటింగ్ పూర్తయ్యి చాలా రోజులవుతుంది. ప్రస్తుతం చిత్ర యూనిట్ సభ్యులు అందరూ కూడా పోస్ట్ ప్రొడక్షన్ పనుల్లో బిజీగా ఉన్నారు. అయితే హఠాత్తుగా ప్రభాస్ డైరెక్టర్ ఓం రావత్ ఇంటిదగ్గర కనిపించాడు. అంతేకాకుండా అతనితోపాటు సైఫ్ అలీ ఖాన్ కూడా కనిపించడంతో కెమెరాలన్ని కూడా ఒక్కసారిగా వారి వైపు తిరిగాయి.

ప్రభాస్ ఎందుకు ఈ దర్శకుడి దగ్గర ఉన్నాడు అనే విషయంలోకి వెళితే ఆదిపురుష్ సినిమాకు సంబంధించిన షూటింగ్ పనులన్నీ కూడా పూర్తయ్యాయి. ఇక ప్రస్తుతం పోస్ట్ ప్రొడక్షన్ పనులు తుది దశలో ఉన్నాయి.

సంక్రాంతికి సినిమాను విడుదల చేయాలి కాబట్టి వీలైనంత త్వరగా ప్రమోషన్స్ కూడా స్టార్ట్ చేయాలి అని మరోసారి దర్శకుడు చర్చలు జరిపినట్లు తెలుస్తోంది. డైరెక్టర్ ఇంట్లో ప్రత్యేకంగా ఈ ఉదయం టిఫిన్ చేసిన ఇద్దరు స్టార్స్ కూడా మరోసారి ప్రత్యేకంగా చర్చలో పాల్గొనే అవకాశం ఉన్నట్లు తెలుస్తోంది. ఇక ప్రభాస్ ప్రత్యేకంగా బాలీవుడ్ మీడియాకు ఫోటోలకు స్టిల్స్ కూడా ఇచ్చాడు.