ప్రభాస్ పుట్టినరోజు వేళ ఫ్యాన్స్ కు భారీ షాక్?

యంగ్ రెబల్ స్టార్ ప్రభాస్ హీరో తొలి నాళ్లలో వచ్చిన 'వర్షం' మూవీ ఎంత పెద్ద హిట్ అయ్యిందో ప్రత్యేకంగా చెప్పక్కర్లేదు. ఇప్పుడు ప్రభాస్ పుట్టినరోజు సందర్భంగా దాన్ని 4Kలోకి మార్చి రీరిలీజ్ చేయాలని భావించారు. అంతా సిద్ధం చేశారు. ప్రభాస్ పుట్టినరోజు మరో నాలుగురోజుల్లో ఉండడంతో అదే రోజు రిలీజ్ కు యోచించారు. ఫ్యాన్స్ భారీ ఏర్పాట్లలో మునిగిపోయారు. కానీ అనుకోని షాక్ తగిలింది ఇప్పుడు.

ప్రస్తుతం బాక్సాఫీస్ వద్ద ఈ వారం నాలుగు సినిమాలు పోటీపడుతున్నాయి. మంచు విష్ణు 'జిన్నా'తోపాటు ఓరిదేవుడా, సర్ధార్, ప్రిన్స్ చిత్రాలు థియేటర్లన్నీ పంచుకుంటున్నాయి. ఇక హాలీవుడ్ ఫేమస్ మూవీ 'ఆడమ్' కోసం మల్లీప్లెక్సుల్లో ఫుల్ డిమాండ్ ఉందట.. నగరాలు, పట్టణాల్లో ఈ మూవీ టికెట్ల కోసం ఎగబడుతున్నారు. దీంతో షోల సంఖ్య పెంచేందుకు యాజమాన్యాలు రెడీ అయిపోయారు.

ఇప్పటికే పవన్ కళ్యాణ్ జల్సా సహా పలు సినిమాలను 4కే చేసి విడుదల చేస్తే రికార్డు కలెక్షన్లు వచ్చాయి. అదే ఊపులో ప్రభాస్ రెబల్ కూడా మొన్నీ మధ్య రిలీజ్ చేశారు. బిల్లాను రెడీ చేశారు. కానీ ప్రభాస్ బర్త్ డేకు వర్షం రీరిలీజ్ కు మాత్రం థియేటర్లు దొరకని పరిస్తితి.

కొత్త సినిమాలను వదిలి ప్రభాస్ పాత సినిమా వర్షంకు థియేటర్లు ఇవ్వడం కష్టమని థియేటర్ యజమానులు, డిస్ట్రిబ్యూటర్లు సర్ది చెబుతున్నారట.. ఒక వారం తర్వాత వర్షం రిలీజ్ చేయాలని కోరుతున్నారట.. దీంతో ప్రభాస్ పుట్టినరోజున ఆయన పాత సినిమాకు రికార్డు కలెక్షన్లు ఇవ్వాలని యోచించిన ప్రభాస్ ఫ్యాన్స్ ఇలా షాక్ తగులుతుందని ఊహించలేకపోయారు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.