ఫ్యామిలీ మెంబ‌ర్స్‌ తో బాహుబ‌లి

సోష‌ల్ మీడియాలో స్టార్ ‌ల‌తో పాటు వారి కుటుంబ స‌భ్యులు కూడా సంద‌డి చేస్తున్న విష‌యం తెలిసిందే. డాట‌ర్స్ డే సంద‌ర్భంగా ప‌లువురు స్టార్‌ లు త‌మ కుటుంబ స‌భ్యుల‌కు శుభాకాంక్ష‌లు తెలుపుతూ వారితో పంచుకున్న ఫొటోల‌ని షేర్ చేశారు. ఇదే సంద‌ర్భంగా కృష్ణంరాజు స‌తీమ‌ణి ఉప్ప‌లపాటి శ్యామ‌లాదేవి సోష‌ల్ మీడియా వేదిక‌గా కొన్ని ఫొటోల‌ని అభిమానుల‌తో పంచుకున్నారు.

ఆమె షేర్ చేసిన ఫొటోల్లో కూతుళ్లు.. మ‌న‌వ‌రాళ్లు.. మ‌నవ‌ళ్లు వున్నారు. ఈ ఫొటోల్లో రెబ‌ల్ స్టార్ కృష్ణం రాజు.. యంగ్ రెబ‌ల్ స్టార్ .. బాహుబ‌లి ప్ర‌భాస్ కూడా వున్నారు. `చ‌క్రం` సినిమాలో ప్ర‌భాస్‌పై చిత్రీక‌రించిన `జ‌గ‌మంత కుటుంబం నాది..` అనే పాట ప్ర‌భాస్ ఫ్యామిలీ ఫొటోని చూస్తే ప్ర‌తీ అభిమానికి గుర్తుకు రాక‌మాన‌దు. అంత భారీ స్థాయిలో ప్ర‌భాస్ కుటుంబ స‌భ్యులు ఈ ఫొటోలో క‌నిపించ‌డం విశేషం. ఇక డాట‌ర్స్‌డే సంద‌ర్భంగా శ్యామ‌లా దేవి షేర్ చేసిన ఫొటోలు చూస్తూ అభిమానులు సంతోషం వ్య‌క్తం చేస్తున్నారు.

ఇదిలా వుంటే పాన్ ఇండియా స్టార్‌ ప్ర‌భాస్ ప్ర‌స్తుతం వ‌రుసగా భారీ చిత్రాల్లో న‌టిస్తున్న విష‌యం తెలిసిందే. రామాయ‌ణ గాధ నేప‌థ్యంలో `ఆది పురుష్‌`.. మైనింగ్ మాఫియా నేప‌థ్యంలో `స‌లార్‌` చిత్రాలు చేస్తున్న విష‌యం తెలిసిందే. అంతే కాకుండా ప్ర‌భాస్ న‌టించిన `రాధేశ్యామ్` షూటింగ్ పూర్తి చేసుకుని విడుద‌ల‌కు సిద్ధంగా వుంది.