శ్రద్ధ పాత్ర పై బాహుబలి కామెంట్లు

బాహుబలి తర్వాత ప్రభాస్ ఇప్పుడు సుజిత్ దర్శకత్వంలో ఒక భారీ బడ్జెట్ యాక్షన్ థ్రిల్లర్ ను చేస్తున్నాడు. 'సాహో' అనే టైటిల్ తో విడుదల కాబోతున్న ఈ సినిమాతో బాలీవుడ్ బ్యూటీ శ్రద్ధ కపూర్ టాలీవుడ్ లోకి ఎంట్రీ ఇవ్వబోతోంది. తెలుగు మరియు హిందీ భాషల్లో విడుదల కాబోతున్న ఈ చిత్రంలో శ్రద్ధ పాత్ర అన్ని కమర్షియల్ సినిమాలలో లాగా రెండు పాటలకు మూడు రొమాంటిక్ సీన్లకి పరిమితమైందా లేక ముఖ్య పాత్రే పోషిస్తోందా అనేది ఆసక్తికరంగా మారింది.

ఈ విషయమై స్వయంగా మన బాహుబలే క్లారిటీ ఇచ్చేశాడు. దుబాయ్ లో షూటింగ్ షెడ్యూల్ ను పూర్తిచేసిన సాహో టీం ఇప్పుడు మరొక షెడ్యూల్ మొదలుపెట్టడానికి సిద్ధమవుతోంది. దుబాయ్ మీడియాతో ముచ్చటిస్తూ రెబల్ స్టార్ సినిమా గురించి మరియు శ్రద్ధ గురించి కొన్ని ఆసక్తికర విషయాలను బయటపెట్టాడు. "ఈ సినిమాలో అందరూ ముఖ్య పాత్రలే పోషిస్తున్నారు. కథ ప్రతి ఒక్క పాత్రను కలుపుతుంది కానీ అలా వచ్చి ఇలా వెళ్లిపోయాలాగా ఉండవు. అన్ని పాత్రలు కచ్చితంగా గుర్తుండిపోయేలా ఉంటాయి." అని చెప్తూ శ్రద్ధ కపూర్ ఈ సినిమాకి పెద్ద ప్లస్ పాయింట్ అని, ఆమె కేవలం ఒక్క టేక్ లోనే సీన్లు చేసేయ్యగలదు అంటూ ప్రశంసల వర్షం కురిపించాడు.

బాలీవుడ్ యాక్టర్ నీల్ నితిన్ ముఖేష్ విలన్ పాత్ర పోషిస్తుండగా, జాకీ ష్రాఫ్ - మందిర బేడీ ముఖ్య పాత్రలు పోషిస్తున్నారు. టి-సిరీస్ ప్రెసెంట్ చేస్తున్న ఈ సినిమాను యూవి క్రియేషన్స్ నిర్మిస్తోంది. ఒక రేంజిలో అంచనాలు ఉన్న ఈ సినిమాను 2019 లో విడుదల చేయడానికి సన్నాహాలు చేస్తున్నారు.