మోడీకి మాటకు బాహుబలి మద్దతు

ఏ చిన్న కార్యక్రమం మొదలు పెట్టినా అది అందరికీ చేరువయ్యేలా చూసుకుంటున్నారు ప్రధాని నరేంద్రమోడీ. దేశ పరిశుభ్రతలో ప్రతి ఒక్కరినీ భాగం చెయ్యాలని 'స్వచ్ఛతే సేవా’ అంటూ మరో కార్యక్రమాన్ని తలపెట్టారు. అయితే ఈ కార్యక్రమానికి ప్రతి ఒక్కరు తోడ్పడాలని ప్రముఖుల్ని మరియు రాజాకీయ నేతలను.. అలాగే సినీ తారలకు మోడీ రీసెంట్ గా లేఖ ద్వారా సూచించారు. ప్రజలకు తెలియజేయాల్సిన బాధ్యత మన అందరిలోనూ ఉందని తెలపడంతో ఇప్పటికే చాలా మంది వ్యాపార వేత్తలు సినీ హీరోలు క్రీడాకారులు వారి మద్దతును తెలిపారు.

ఇప్పుడు వారిలో బాహుబలి ప్రభాస్ కూడా చేరిపోయాడు. ఒక్క సినిమాతో జాతీయ స్థాయిలో గుర్తింపు తెచ్చుకున్న ప్రభాస్.. మోడీ చేపట్టిన మంచి పనికి తన మద్దతును తెలిపాడు. 'స్వచ్ఛతే సేవా’ గురించి ఫేస్ బుక్ ద్వారా తన మద్దతును ప్రకటించాడు. "డియర్ ఫ్యాన్స్.. పరిశుభ్రతకు ఎంతో విలువిచ్చిన మహాత్మా గాంధీ జయంతి సందర్భంగా స్వచ్ఛ భారత్‌ వంటి గొప్ప కార్యక్రమంలో నేను మనస్ఫూర్తిగా భాగస్వామిని కావాలని అనుకుంటున్నాను. నా దేశాన్ని శుభ్రంగా - ఆరోగ్యంగా ఉంచడం ఓ పౌరుడిగా అది నా బాధ్యత. అదే విధంగా రోజు అలవాటు కూడా. నాలాగే మీరూ కూడా ఆలోచించి ఇండియాను శుభ్రంగా ఉండేలా కృషిచేయాలని కోరుకుంటున్నా. ప్రస్తుతం ఉన్న దానికంటే మన దేశం మరింత అందంగా తయారవుతుంది. జై హింద్‌!’ అంటూ.. ప్రభాస్‌ తన అభిమానులకు పిలుపునిచ్చారు.

బాహుబలి రెస్పాన్స్ కు నెటీజన్స్ కూడా రియాక్షన్ అద్భుతంగా ఉంది. ఇదే స్థాయిలో రీసెంట్ గా సూపర్ స్టార్ట్ రజినీకాంత్ కూడా తన అభిమానులకు ట్విట్టర్ అకౌంట్ ద్వారా పిలుపునిచ్చారు.