డార్లింగ్ జపాన్ ఫ్యాన్స్ ఉత్సాహం పీక్స్ లో ఉందిగా

'బాహుబలి' విజయం తర్వాత ప్రభాస్ క్రేజ్ ఎంత పెరిగిందో అందరికీ తెలిసిందే. ప్యాన్ ఇండియా యాక్టర్ అయ్యాడని అందరూ అంటున్నారు కానీ దాంతో పాటు ఇంటర్నేషనల్ గా కూడా గుర్తింపు సాధించాడు. జపాన్ లాంటి ఇతర దేశాల్లో ప్రభాస్ కు ఫాలోయింగ్ భారీగా పెరిగింది. గతంలో ఒకసారి జపాన్ ఫ్యాన్స్ ప్రభాస్ ఇంటి ముందు నిలబడి ఫోటోలు తీయించుకున్నారు. తాజాగా మరోసారి అలాంటి సీన్ రిపీట్ అయింది.

దాదాపు పది మంది అమ్మాయిలు.. మహిళలు ప్రభాస్ కోసం హైదరాబాద్ వచ్చారట. వాళ్ళందరూ ప్రభాస్ ఇంటి గేటు ముందు నిలబడి సంతోషంగా డ్యాన్స్ చేస్తూ ఫోటో కు పోజిచ్చారు. ఈ ఫోటో ఇప్పుడు ఇంటర్నెట్ లో వైరల్ గా మారిపోయింది. ఈ ఫోటోలో ఆ మహిళా అభిమానుల ఉత్సాహం చూస్తుంటేనే వారికి ప్రభాస్ అంటే ఎంత ఇష్టమో తెలిసిపోతుంది. ప్రభాస్ ఇంటిని చూస్తేనే వారు ఆవిధంగా ఎగ్జైట్ అయితే.. ప్రభాస్ ను కలిస్తే ఎలా ఉంటుందో.

గతంలో రజనీకాంత్ కోసం ఇలా జపాన్ లాంటి దేశాలనుండి అభిమానులు భారతదేశానికి వచ్చేవారు. ఇప్పుడు ప్రభాస్ కోసం అదే రేంజ్ లో జపాన్ అభిమానులు తయారయ్యారు. ఈ ఫాలోయింగ్ ను దృష్టిలో పెట్టుకునే ప్రభాస్ కొత్త సినిమా 'సాహో' ను భారతీయ భాషలతో పాటుగా జపనీస్ లాంటి విదేశీ భాషలలో కూడా రిలీజ్ చేసేందుకు సన్నాహాలు జరుగుతున్నాయి.