Begin typing your search above and press return to search.
క్రికెట్‌కి తాకిన బాహుబలి మేనియా
By: Tupaki Desk | 19 March 2015 8:14 AM GMT
ప్రభాస్‌ కథానాయకుడిగా రాజమౌళి దర్శకత్వంలో తెరకెక్కుతున్న 'బాహుబలి'కి ప్రేక్షకుల్లో అట్టాంటి ఇట్టాంటి క్రేజ్‌ లేదు. ప్రపంచం మొత్తం ఆ సినిమా గురించి ఆరా తీస్తోంది. రాజమౌళి ఇదివరకు తీసిన 'ఈగ' ఎఫెక్టే అదంతా. పలు అంతర్జాతీయ చలన చిత్రోత్సవాల్లో ఈగ ప్రదర్శితమైంది. దీంతో రాజమౌళి టాలెంట్‌ ప్రపంచ వ్యాప్తంగా తెలిసిపోయింది. ఆయన 'ఈగ' తర్వాత చేస్తున్న చిత్రం 'బాహుబలి' కావడంతో అందరూ ఈ చిత్రంపై ఓ కన్నేసి ఉంచారు. అందుకు తగ్గట్టుగానే సినిమాని విడుదల చేయబోతోంది చిత్రబృందం. తెలుగులో అయితే 'బాహుబలి'పై చాలా క్రేజ్‌ మరింత పీక్స్‌లో కనిపిస్తోంది. ఎప్పుడెప్పుడు ఆ సినిమా వస్తుందా అంటూ ప్రభాస్‌ అభిమానులు ఎదురు చూస్తున్నారు. బాహుబలి మేనియా తాజాగా వరల్డ్‌ కప్‌ క్రికెట్‌ని తాకింది. ఆస్ట్రేలియాలో జరుగుతున్న బంగ్లాదేశ్‌, ఇండియా క్వార్టర్‌ ఫైనల్‌ మ్యాచ్‌లో ప్రభాస్‌ అభిమానులు 'బాహుబలి' పోస్టర్‌ని ప్రదర్శిస్తూ హల్‌చల్‌ చేశారు. దీంతో అంతర్జాతీయ స్థాయిలో ప్రభాస్‌కి ప్రచారం లభించిందన్నమాట. ఈ సినిమాని మే 15న ప్రేక్షకుల ముందుకు తీసుకొస్తారు.
