ప్రభాస్ ఫ్యాన్స్ ట్రోల్స్.. మారుతి గేమ్‌ చేంజ్‌

యంగ్ రెబల్‌ స్టార్‌ ప్రభాస్ హీరోగా మారుతి దర్శకత్వంలో రాజా డీలక్స్ అనే సినిమా రాబోతుంది అంటూ దాదాపు ఏడాది కాలంగా ప్రచారం జరుగుతున్న విషయం తెల్సిందే. వీరిద్దరి కాంబో సినిమా పూజా కార్యక్రమాలు ఇటీవలే జరిగాయి. ఆ విషయాన్ని యూనిట్‌ సభ్యులు అధికారికంగా ప్రకటించాలని భావించినా కూడా ఆ సమయంలో వచ్చిన ట్రోల్స్ తో ఆగిపోయారట.

మారుతి మొదట అనుకున్న దాని ప్రకారం మొన్న పూజా కార్యక్రమాలు జరిగిన ఈ సినిమాను అక్టోబర్ మూడవ వారం నుండి రెగ్యులర్‌ షూటింగ్ కు తీసుకు వెళ్లాలి.

కానీ తాజాగా అందుతున్న సమాచారం ప్రకారం ప్రభాస్ తో సినిమా ను మారుతి మొదలు పెట్టేందుకు మరి కొంత ఆలస్యం అయ్యే అవకాశాలు ఉన్నాయని సమాచారం అందుతోంది.

ప్రభాస్ కి తగ్గ కథను ఇప్పటికే మారుతి రెడీ చేశాడు. కానీ ప్రభాస్ ఫ్యాన్స్ ట్రోల్స్ తో కాస్త హర్ట్‌ అయిన మారుతి మరింత డోస్ పెంచి తనను అవమానించి.. సోషల్‌ మీడియాలో ట్రోల్స్ చేసిన ప్రభాస్‌ ఫ్యాన్స్ తోనే శహబాష్‌ అనిపించుకోవాలని మారుతి చాలా పట్టుదలతో ఉన్నట్లుగా తెలుస్తోంది. అందుకే స్క్రిప్ట్‌ వర్క్‌ విషయంలో మరింత శ్రద్ద పెడుతున్నాడు.

సాదారనంగా అయితే మారుతి తన స్క్రిప్ట్‌ వర్క్ పూర్తి అయిన తర్వాత చిన్న చిన్న మార్పులు ఏమైనా ఉంటే ఇరత రచయితలతో కూర్చుని చర్చిస్తాడు. కానీ ఈసారి ప్రభాస్ సినిమా కోసం పూర్తి కథ ను మొదటి నుండి చర్చిస్తు స్క్రిప్ట్‌ ను రెడీ చేస్తున్నాడట. ఈ టీమ్‌ లో ప్రభాస్‌ సన్నిహితులతో పాటు దర్శక నిర్మాతలు కూడా ఉన్నారని తెలుస్తోంది.

ఇటీవల మారుతి దర్శకత్వంలో వచ్చిన పక్కా కమర్షియల్‌ సినిమా ఫలితం గురించి ప్రత్యేకంగా చెప్పనక్కర్లేదు. పైగా ప్రభాస్ అభిమానులు చాలా అపనమ్మకంతో మారుతి గురించి ట్రోల్స్ చేస్తున్నారు. అందుకే ఆయన గేమ్‌ చేంజ్ చేశాడని.. కచ్చితంగా ప్రభాస్ అభిమానులను కన్విన్స్ చేసే విధంగా సినిమా ఉంటుందని మారుతి సన్నిహితులతో అంటున్నాడట.