ప్రభాస్ తనతో వర్క్ చేసిన వారిని మాత్రమే ఫాలో అవుతాడా...?

యంగ్ రెబల్ స్టార్ ప్రభాస్ కు ఉన్న క్రేజ్ గురించి ఆయనకున్న ఫాలోయింగ్ గురించి కొత్తగా చెప్పనవసరం లేదు. 'బాహుబలి' సినిమాతో ప్రపంచ వ్యాప్తంగా గుర్తింపు తెచ్చుకున్న ప్రభాస్ 'సాహో' సినిమాతో పాన్ ఇండియా స్టార్ ఇమేజ్ నిలబెట్టుకున్నాడు. ఇక సినిమాల‌తో రికార్డ్స్ క్రియేట్ చేసే ప్రభాస్ ఇప్పుడు సోష‌ల్ మీడియాలోను ప్ర‌భంజ‌నం సృష్టిస్తున్నాడు. సోష‌ల్ మీడియా మాధ్యమం ఫేస్ బుక్‌ లో 16 మిలియన్ల మంది ఫాలోవర్స్ తో అత్యధిక అనుచరులు ఉన్న ఏకైక సౌత్ స్టార్ గా ప్ర‌భాస్ అరుదైన రికార్డ్ క్రియేట్ చేశాడు. ఇటీవల ఇంస్టాగ్రామ్ లోకి కూడా ఎంట్రీ ఇచ్చిన ప్రభాస్ 4.9 మిలియన్ ఫాలోవర్స్ సాధించారు.

కాగా డార్లింగ్ ప్రభాస్ ని ఇన్స్టాలో అంతమంది ఫాలో అవుతుండగా ప్రభాస్ మాత్రం కేవలం 5 గురినే అనుసరిస్తున్నాడు. అది కూడా తనతో వర్క్ చేసిన వారిని మాత్రమే ఫాలో అవుతున్నాడు. తనతో 'సాహో' సినిమా తీసిన డైరెక్టర్ సుజీత్ ని మరియు ఆ సినిమాలో హీరోయిన్ గా నటించిన బాలీవుడ్ బ్యూటీ శ్రద్ధాకపూర్ ని ఇంస్టాగ్రామ్ లో ప్రభాస్ ఫాలో అవుతున్నాడు. వీరితో పాటు ప్రస్తుతం ప్రభాస్ 'రాధే శ్యామ్' లో హీరోయిన్ గా నటిస్తున్న పూజాహెగ్డే మరియు సీనియర్ నటి భాగ్యశ్రీ లను కూడా ప్రభాస్ అనుసరిస్తున్నాడు. ఇక నాగ్ అశ్విన్ దర్శకత్వంలో తెరకెక్కబోతున్న తన నెక్స్ట్ సినిమా హీరోయిన్ దీపికా పడుకుణేని కూడా ప్రభాస్ ఇంస్టాగ్రామ్ లో ఫాలో అవుతున్నాడు. ఈ ప్రాజెక్ట్ లో దీపికా నటించబోతుందని అనౌన్స్ చేసిన వెంటనే అనుసరించడం స్టార్ట్ చేసాడు ప్రభాస్. మొత్తం మీద కేవలం తనతో వర్క్ చేసిన వారినే ప్రభాస్ అనుసరిస్తున్నాడని తెలుస్తోంది. కాకపోతే ప్రభాస్ కి ఇండస్ట్రీలో చాలా మందితో క్లోజ్ ఫ్రెండ్స్ ఉన్నారు. అయినా సరే ఎందుకో వారెవరినీ అతను ఫాలో అవడం లేదు.