బాలీవుడ్ 'అలవైకుంఠపురంలో' ప్రభాస్ హీరోయిన్..!

ప్రస్తుతం సినీ ఇండస్ట్రీలో రీమేక్ సినిమాల హవా బాగానే ఉంది. ఇతర భాషా సినిమాలు తెలుగులోకి.. తెలుగు సినిమాలు వేరే భాషల్లోకి రీమేక్ అవుతూనే ఉన్నాయి. గతేడాది స్టైలిష్ స్టార్ అల్లు అర్జున్ - త్రివిక్రమ్ కాంబినేషన్ లో తెరకెక్కిన బ్లాక్ బస్టర్ మూవీ 'అల వైకుంఠపురంలో'. ఈ సినిమా గతేడాది ఇండస్ట్రీ హిట్టుగా నిలిచింది. అయితే ఈ సినిమా బాలీవుడ్ రీమేక్ హక్కులను అశ్విన్ వర్దె దక్కించుకున్నారు. అలాగే ఈ సినిమాకు దేశీ బాయ్స్, డిష్యూం సినిమాలకు ఫేమ్ రోహిత్ ధావన్ దర్శకత్వం వహించనున్నాడు. తెలుగులో అల్లు అర్జున్ నటించగా.. హిందీ రీమేక్ లో యంగ్ హీరో కార్తీక్ ఆర్యన్‌ ఓకే అయ్యాడు. కరోనా లాక్‌డౌన్ ఉండటంతో ఆన్లైన్ ద్వారా స్క్రిప్ట్ విని ఓకే చేసాడట ఈ యంగ్ హీరో. సినిమా చూసిన కార్తీక్ అల్లు అర్జున్ క్యారెక్టర్ బాగా నచ్చిందని గతంలోనే చెప్పాడు.

ఇదిలా ఉండగా.. ఈ సినిమాలో హీరోయిన్ ఎవరనే చర్చలు నడుస్తూ వచ్చాయి. తెలుగులో పూజాహెగ్డే చేసిన పాత్ర.. ఇప్పుడు హిందీలో కృతిసనన్ చేయనున్నట్లు టాక్ నడుస్తుంది. దీని పై అధికారిక ప్రకటన రావాల్సి ఉంది. అయితే దాదాపుగా మేకర్స్ కృతి వైపు మొగ్గు చూపుతున్నట్లు వార్తలొస్తున్నాయి. కానీ కృతి ప్రస్తుతం షెడ్యూల్ చాలా బిజీగా ఉందట. ఆల్రెడీ ఆమె చేతిలో వరుణ్ ధావన్ తో భేలియా పూర్తి కావచ్చింది. అలాగే ప్రభాస్ సరసన ఆదిపురుష్ సినిమాలో నటిస్తోంది. ఈ సినిమాలో సీత పాత్రకోసం చాలా డేట్స్ కేటాయించాల్సి ఉందట. మరి డేట్స్ అడ్జెస్ట్ చేస్తుందో లేదో తెలియదు. భేలియా పూర్తయితే గాని చెప్పలేదట. ఇదిలా ఉండగా మేకర్స్ మరో ఇద్దరు నాయికలను కూడా సంప్రదించినట్లు బాలీవుడ్ వర్గాలు చెబుతున్నాయి. అయితే ఇదివరకు కార్తీక్, కృతి కలిసి లుక్కాచుప్పి సినిమాలో నటించారు. కార్తీక్ ఇప్పుడు భూల్ భూలైయా-2, దోస్తానా-2, ఫాంటమ్ సినిమాలతో బిజీగా ఉన్నాడు.