`స్పిరిట్`లో పోలీస్ పాత్ర‌లో ప్ర‌భాస్

పాన్ ఇండియా స్టార్ ప్ర‌భాస్ క‌థానాయ‌కుడిగా `అర్జున్ రెడ్డి` ఫేం సందీప్ వంగ ద‌ర్శ‌క‌త్వంలో `స్పిరిట్` అనే చిత్రం తెర‌కెక్కుతున్న‌ట్లు వెల్ల‌డించిన సంగ‌తి తెలిసిందే. యూని వ‌ర్శ‌ల్ కంటెంట్ తో మ‌రోపాన్ ఇండియా చిత్రానికి ఈ ద్వ‌యం శ్రీకారం చుట్టింది. ఈ సినిమా ప్ర‌క‌ట‌న‌తోనే కాంబినేష‌న్ పై అంచ‌నాలు పీక్స్ కి చేరుకున్నాయి. స్పిరిట్ కి..ప్ర‌భాస్ క‌టౌట్ కి ఎలా మ్యాచ్ అవుతుందంటూ చాలా సందేహాలే నాటి నుంచి వెంటాడుతున్నాయి. కంటెంట్ ఏంట‌న్న‌ది అర్ధంకాని సందిగ్ధత‌ ఏర్ప‌డింది. అయితే వాటిపై ఇంకా క్లాఇర‌టీ రాలేదు గాని ఇందులో ప్ర‌భాస్ పాత్ర‌పై మాత్రం స్ప‌ష్ట‌త వ‌చ్చింది. ఇందులో డార్లింగ్ పోలీస్ పాత్ర‌లో క‌నిపించ‌నున్నాడు.

ఈ విష‌యాన్ని ప్ర‌భాస్ నిర్మాత భూష‌ణ్ కుమార్ రివీల్ చేసారు. `ఆదిపురుష్` ప్ర‌చార కార్యక్ర‌మంలో భాగంగా ఈ విష‌యాన్ని భూష‌న్ కుమార్ తెలిపారు. మొత్తానికి ప్ర‌భాస్ డ్రీమ్ రోల్ స్పిరిట్ చిత్రంతో నెర‌వేరుబోతుంది. ఇలాంటి పాత్ర పోషించాల‌ని డార్లింగ్ ఎప్ప‌టి నుంచో వెయిట్ చేస్తున్నాడు. ఈ విష‌యాన్ని చాలా మీడియా ఇట‌ర్వ్యూల్లో సైతం రివీల్ చేసారు. ఎట్ట‌కేల‌కు ఆ స‌మ‌యం ఆస‌న్న‌మైంది. క‌టౌట్ కి త‌గ్గ పాత్రే అని చెప్పొచ్చు. మ‌రి ఈ చిత్రాన్ని ఎన్ని భాష‌ల్లో తెర‌కెక్కిస్తారు? ఎన్ని భాష‌ల్లో రిలీజ్ చేస్తారు? అన్న దానిపై క్లారిటీ రావాల్సి ఉంది. ప్ర‌భాస్ `ఆదిపురుష్` సినిమాతో బాలీవుడ్ లో లాంచ్ అవుతున్నాడు. కాబ‌ట్టి తెలుగు..హిందీలో భాష‌ల్లో స్పిరిట్ క‌న్ఫామ్ అయిన‌ట్లే.

ప్ర‌స్తుతం ప్ర‌భాస్ `స‌లార్` షూటింగ్ లో బిజీగా ఉన్న సంగ‌తి తెలిసిందే. ప్ర‌శాంత్ నీల్ భారీ యాక్ష‌న్ ఎంట‌ర్ టైన‌ర్ గా తీర్చిదిద్దుతున్నారు. సినిమాపై అంచ‌నాలు ఓ రేంజ్ లో ఉన్నాయి. అలాగే త్వ‌ర‌లోనే `రాధేశ్యామ్` చిత్రంతో ప్ర‌భాస్ ప్రేక్ష‌కుల ముందుకు రావ‌డానికి రెడీ అవుతున్నారు. ఈ సినిమాపైనా భారీ అంచ‌నాలున్నాయి. ఈ సినిమాల‌న్నీ పాన్ ఇండియా కేట‌గిరీలోనే రిలీజ్ అవుతున్నాయి.