టాప్ ఫాలోవ‌ర్స్ తో ప్ర‌భాస్ సౌత్ లోనే నంబ‌ర్ వ‌న్ హీరో

బ్యాక్ టు బ్యాక్ పాన్ ఇండియా (వ‌ర‌ల్డ్) సినిమాల్ని ప్ర‌క‌టించి సంచ‌ల‌నాల‌కు తెర తీశాడు ప్ర‌భాస్. ఈ వార్త‌ల‌న్నీ సోష‌ల్ మీడియాల్లో హాట్ కేకుల్లా వైర‌ల్ అయ్యాయి. బాహుబ‌లి స్టార్ వ‌రుస‌ పాన్ ఇండియా సినిమాల‌తో మ‌రోసారి రికార్డులు బ్రేక్ చేయ‌డం ఖాయం అంటూ సామాజిక మాధ్య‌మాల్లో అభిమానులు విశ్లేషించారు.

కార‌ణం ఏదైనా కానీ.. ప్ర‌భాస్ ఇప్పుడు వేరొక కోణంలోనూ రికార్డులు బ్రేక్ చేస్తూ హాట్ టాపిక్ గా మారాడు. ఫేస్ బుక్ లో ఏకంగా 2.1 కోట్ల మంది (21 మిలియన్ లు) ఫాలోవ‌ర్స్ తో డార్లింగ్ టాప్ హీరోగా రికార్డుల‌కెక్కాడు. ద‌క్షిణాదిలో అత‌డే నంబ‌ర్ వ‌న్ అని తేలింది. ఏ ఇత‌ర స్టార్ ఇప్ప‌ట్లో అందుకోలేని రికార్డ్ ఇద‌న్న చ‌ర్చా సాగుతోంది.

ప్ర‌భాస్ న‌టిస్తున్న రాధేశ్యామ్ స‌మ్మ‌ర్ రిలీజ్ కి రెడీ అవుతుంద‌ని ప్ర‌చార‌మ‌వుతోంది. అలాగే ఓంరౌత్ ద‌ర్శ‌క‌త్వంలో ఆదిపురుష్ 3డి జ‌న‌వ‌రి నుంచి సెట్స్ కెళుతుంది. అటుపై నాగ్ అశ్విన్ తో సైన్స్ ఫిక్ష‌న్ మూవీని కూడా ప్రారంభించాల్సి ఉంటుంది.