ప్రభాస్ సినిమా ఫస్ట్ లుక్ వచ్చేస్తుంది

సాహో' తో తెలుగు ప్రేక్షకులని నిరాశపరిచిన ప్రభాస్ నెక్స్ట్ సినిమాతో పూర్తి స్థాయిలో ఎంటర్టైన్ చేయడానికి సిద్ధమవుతున్నాడు. రాదాకృష్ణతో 'జాన్'(వర్కింగ్ టైటిల్) సినిమా చేస్తున్న యంగ్ రెబల్ స్టార్ ఈ సినిమాకు సంబంధించి ఫస్ట్ లుక్ తో ఎట్రాక్ట్ చేయడానికి రెడీ అయ్యాడు. 'జాన్' సినిమా ఫస్ట్ లుక్ ను ఈ నెల 23న ప్రభాస్ బర్త్ డే సందర్భంగా రిలీజ్ చేయనున్నారు.

పీరియాడిక్ లవ్ స్టోరితో తెరకెక్కుతున్న ఈ సినిమా ప్రస్తుతం శరవేగంగా షూటింగ్ జరుపుకుంటుంది. ఇప్పటికే ఓ నాలుగు షెడ్యూల్స్ జరిగాయి. ఇంకో రెండు మూడు షెడ్యూల్స్ లో టోటల్ షూటింగ్ పూర్తవుతుంది. ఈ సినిమాను వచ్చే ఏడాది సమ్మర్ లో రిలీజ్ చేసే ఆలోచనలో ఉన్నారు. ఆ దిశగా సన్నాహాలు జరుగుతున్నాయి.

అయితే 'సాహో' ఫస్ట్ లుక్ పోస్టర్ ను సోషల్ మీడియాలో బాగా ట్రోల్స్ చేసారు. ఆ స్టిల్ హాలీవుడ్ సినిమా నుండి కాపీ కొట్టారని విమర్శలొచ్చాయి. అందుకే ఈసారి 'జాన్' ఫస్ట్ లుక్ పోస్టర్ ను ట్రోల్స్ చేయకుండా ఉండేలా జాగ్రత్త పడుతున్నాడు. ఆల్మోస్ట్ పోస్టర్ లో ఫ్రెష్ లుక్ ఉండేలా చూసుకుంటున్నారు. ఇక ఇదే నెలలో మళ్ళీ 'జాన్' ఫస్ట్ లుక్ తో హంగామా మొదలు పెట్టబోతున్నాడు ప్రభాస్. మరి ఈ ఫస్ట్ లుక్ తో యంగ్ రెబల్ స్టార్ ఎలాంటి అంచనాలు నెలకొల్పుతాడో చూడాల్సిందే.