బాహుబ‌లి బాగా త‌గ్గాడుగా

ప్ర‌భాస్‌కు సినిమా మీద ఉన్న ప్రేమ ఇంతా అంతాకాదు... త‌న వ్య‌క్తిగ‌త జీవితం క‌న్నా సినిమాల‌కే ఎక్క‌వ ప్రాధాన్యం ఇచ్చేలా క‌నిపిస్తాడు. అంతెందుకు ఒకే ఒక్క ప్రాజెక్టుకు అయిదు సంవ‌త్స‌రాల కాలాన్ని ఇచ్చేశాడంటే... అత‌ని గురించి అర్థ‌మ‌వుతుంది. ఏ హీరో కూడా ఆ ప‌ని చేయ‌లేదు. ఏడాదికి క‌నీసం ఒక్క సినిమా అయినా విడుద‌ల‌య్యేలా చూసుకుంటాడు. ఇప్పుడు ప్ర‌భాస్ సాహోలో న‌టిస్తున్నాడు. ఆ సినిమా కోసం కూడా చాలా క‌ష్ట‌ప‌డుతున్నాడు.

బాహుబ‌లి కోసం చాలా బ‌రువు పెరిగాడు ప్ర‌భాస్‌. ఆజానుబాహుడిలా... భారీ కాయుడిలా క‌నిపించేందుకు... బాగా బ‌రువు పెరిగాడు. బాహుబ‌లి పూర్త‌య్యాక‌... సాహో చేయ‌డానికి సిద్ధ‌మ‌య్యాడు. సాహోలో పోలీసాఫీస‌ర్ పాత్ర ప్ర‌భాస్‌ది. ఈ సినిమా కోసం భారీగా త‌గ్గాడు ప్ర‌భాస్‌. బ‌రువు పెర‌గ‌డం... త‌ర‌గ‌డం అంత సులువు కాదు. అందుకు కొన్ని నెల‌ల పాటూ క‌చ్చిత‌మైన డైట్ పాటించాల్సి ఉంటుంది. ప్ర‌భాస్ సినిమాలో లుక్ మంచిగా క‌నిపించ‌డం కోసం ఎంతైనా క‌ష్ట‌ప‌డుతాడు. ఇదిగో ఇప్పుడు సాహోకోసం ఇలా స‌న్న‌గా మారిపోయాడు. బాహుబ‌లి సినిమాలో బాడీకి... సాహోలో బాడీకి చాలా తేడా క‌నిపిస్తోంది చూశారా.

సాహోలో బాలీవుడ్ బ్యూటీ శ్ర‌ద్ధా క‌పూర్ న‌టిస్తోంది. ఆమె సాహోలుక్ మొన్న‌నే లీకైంది. ఇదిగో ఇప్పుడు ప్ర‌భాస్ లుక్ బ‌య‌టికి వ‌చ్చింది. వీరిద్ద‌రిదీ సూప‌ర్ జోడీ అని చెప్ప‌క్క‌ర్లేదు. ఈ సినిమాతో బాలీవుడ్ అరంగేట్రం చేయ‌బోతున్నాడు ప్ర‌భాస్. సాహో తెలుగుతో పాటూ.. త‌మిళ ... హిందీ భాషల్లోనూ విడుద‌ల‌కు సిద్ధ‌మ‌వుతోంది.