ప్రభాస్ - మారుతి.. ఓ కండిషన్!

పాన్ ఇండియా స్టార్ ప్రభాస్ అదృష్టం ఏమిటో గాని బాహుబలి సినిమా తర్వాత మళ్ళీ లక్కు దగ్గరికి కూడా రావడం లేదు. ఆఫర్లు అయితే బాగానే వస్తున్నాయి కానీ విజయాలు మాత్రం ఇంకా డిస్టెన్స్ మెయింటైన్ చేస్తున్నాయి. సాహో సినిమా పూర్తిస్థాయిలో సక్సెస్ కాలేకపోయింది. ఇక తర్వాత రాధే శ్యామ్ మరొకపెద్ద డిజాస్టర్ గా నిలిచింది.

ఇక కనీసం ఉన్నది ఉన్నట్లుగా తీసినా రామాయణం బ్యాగ్రౌండ్ మూవీ ఆదిపురుష్ పై మంచి అంచనాలు ఉండేవి. కానీ ప్రభాస్ బ్యాడ్ లక్ ఈ సినిమాను కూడా అంటుకోవడం ఇప్పుడు ఫాన్స్ ను కూడా నిరాశకు గురిచేస్తోంది. అయితే ఇప్పుడు ఇదే బ్యాడ్ సెంటిమెంట్లో ప్రభాస్ రొటీన్ డైరెక్టర్ మారుతి తో సినిమాను మొదలుపెట్టడం ఆశ్చర్యాన్ని కలిగించింది.

అందులోనూ మారుతి పక్క కమర్షియల్ డిజాస్టర్ తో షాక్ ఇచ్చాడు. దీంతో అతనిపై ఆడియన్స్ అయితే నమ్మకంతో లేరు. మళ్లీ నమ్మకం రావాలి అంటే ఏదో అద్భుతమైనా జరగాలి. అయితే మొత్తానికి ఏదో ఒక రకంగా అయితే సినిమా షూటింగ్ మొదలు పెట్టేశారు. మొదటి షెడ్యూల్లో మూడు రోజుల ప్రభాస్ షూటింగ్ పనులు కూడా పూర్తయ్యాయి. మరో నాలుగు రోజులు మిగతా నటీనటులతో కొన్ని సన్నివేశాలను షూట్ చేయనున్నారు.

ఇందులో వృద్ధి కుమార్ వైవా హర్ష కూడా పాల్గొననున్నారు. అయితే మారుతికి అడ్వాన్స్ ఇవ్వడం వల్ల అలాగే కొన్ని భారీ సెట్స్ నిర్మించడం వల్ల సినిమా షూటింగ్ మొదలు పెట్టక తప్పలేదు. ఎలాగు ఇన్వెస్ట్ చేశారు కాబట్టి తొలి షెడ్యూల్ ఎలా వచ్చింది అనేది ఒకసారి ఆలోచనకు వద్దామని ప్రభాస్ టీం డిసైడ్ అయ్యిందట.

అందుకే చడి చప్పుడు లేకుండా షూటింగ్ స్టార్ట్ చేశారు. ఇప్పుడు కండిషన్ ఏమిటి అంటే ఫస్ట్ షెడ్యూల్ ఎలా వచ్చింది అనే దానిమీద ఈ ప్రాజెక్టు పూర్తి అవ్వచ్చు లేదా పూర్తి కాకపోవచ్చు అని తెలుస్తోంది. కానీ మారుతి మీద కొంత నమ్మకంగా ఉన్నట్లు మాత్రం కనిపిస్తోంది. మరి మారుతి ఏ విధంగా ప్రజెంట్ చేస్తాడో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.