'గ్లోబల్ లెవెల్ ప్లానింగ్'లో ప్రభాస్ మూవీ..!

డార్లింగ్ ప్రభాస్.. ఇటీవలే జిల్ ఫేమ్ రాధాకృష్ణ దర్శకత్వంలో 'రాధేశ్యామ్' సినిమా చేసిన సంగతి తెలిసిందే. ఇదివరకే చిత్రీకరణ ముగించుకున్న ఈ సినిమా పీరియాడిక్ లవ్ స్టోరీగా తెరకెక్కింది. ఆ సినిమా పూర్తికాగానే ప్రభాస్.. సలార్, ఆదిపురుష్ సినిమాలు చేస్తున్నాడు. అనంతరం మహానటి ఫేమ్ నాగ్ అశ్విన్ డైరెక్షన్ లో ఓ సినిమా చేయబోతున్నాడు. ఈ ఏడాది చివరలో సినిమా షూటింగ్ ప్రారంభిచాలని ప్లానింగులో ఉన్న ఈ మూవీ సైంటిఫిక్ థ్రిల్లర్ గా రూపొందనుంది. ఈ సినిమాలో ప్రభాస్ సూపర్ హీరో పాత్రలో కనిపించనున్నట్లు టాక్. సైన్స్ ఫిక్షన్ జానర్ కాబట్టి ఈ సినిమాను గ్రాఫికల్ విసువల్ వండర్ గా రూపొందించే ఆలోచనలో ఉన్నారు మేకర్స్. అయితే ఈ సినిమాను ఇంటర్నేషనల్ స్థాయిలో ప్రపంచవ్యాప్తంగా వివిధ భాషల్లో విడుదల చేయనున్నారట. ప్రస్తుతం భారీ బడ్జెట్ తో తెరకెక్కనున్న ఈ సినిమా గురించి రోజు ఏదొక వార్త వైరల్ అవుతోంది.

ప్రభాస్ సరసన ఈ సినిమాలో బాలీవుడ్ స్టార్ హీరోయిన్ దీపికా పదుకొనే నటించనుంది. ప్రస్తుతం బాలీవుడ్ లో టాప్ హీరోయినుగా కొనసాగుతున్న దీపిక సౌత్ స్టార్ తో నటించడానికి ఓకే చెప్పిందంటే అంతా ఆశ్చర్యపోయారు. ఇదిలా ఉండగా.. నాగ్ అశ్విన్ ఈ సినిమాను ఇండియన్ సినిమాలా కాకుండా వరల్డ్ మూవీగా మలిచే ఆలోచనలో ఉన్నాడట. ప్రపంచవ్యాప్తంగా భారతీయ భాషలతో పాటు ఇంగ్లీష్ వెర్షన్ కూడా విడుదల చేస్తారని సమాచారం. ఇప్పుడిది పాన్ ఇండియా కాదు పాన్ వరల్డ్ సినిమాగా మారనుంది. మేకర్స్ కూడా ప్రభాస్ తో ఈ సినిమాను ఇంటర్నేషనల్ స్థాయిలో మార్కెట్ క్రియేట్ చేసేలా ఉన్నారంటూ వార్తలు వైరల్ అవుతున్నాయి. నాగ్ అశ్విన్ ఈ సినిమాతో సౌత్ ఇండియన్ సినిమా మార్కెట్ ఇంటర్నేషనల్ వైడ్ చాటేలా ప్లాన్ చేస్తున్నట్లు తెలుస్తుంది. ఇప్పటికే ఈ సినిమాకు సంబంధించిన అన్ని ఏర్పాట్లు పూర్తి చేస్తున్నారు మేకర్స్. త్వరలోనే ఈ సినిమా గురించి మరో అప్డేట్ రానుందని టాక్.