ప్రభాస్ కొత్త సినిమా లాంఛ్ ఎప్పుడంటే

ప్రభాస్ నాలుగేళ్లుగా బాహుబలికి అంకితం అయిపోయిన విషయం తెలిసిందే. ఒక్క ప్రాజెక్టు కోసం ఇంత సుదీర్ఘ సమయాన్ని వెచ్చించిన స్టార్ హీరోగా.. టాలీవుడ్ చరిత్రలో చిరస్థాయిగా మిగిలిపోతాడు యంగ్ రెబల్ స్టార్. అయితే.. ఇప్పటికే బాహుబలి షూటింగ్ పూర్తయిపోయిన విషయం తెలిసిందే.

ప్రభాస్ కొత్త సినిమాపై కూడా క్లారిటీ ఉంది.. ఎప్పుడు ప్రారంభం అనే అంశంపై ఫ్యాన్స్ సందిగ్ధంలో ఉన్నారు. ఇప్పుడు ఆ విషయాన్ని కూడా ప్రకటించేశాడు దర్శకుడు సుజిత్. రన్ రాజా రన్ లాంటి హిట్ తర్వాత.. ప్రభాస్ ని ఓ యాక్షన్ ఎంటర్టెయినర్ కి ఒప్పించిన సుజిత్.. ఇప్పుడు అధికారికంగా సినిమా ప్రారంభంపై ప్రకటన చేశాడు. రేపే ప్రభాస్ చిత్రం అఫీషియల్ గా లాంఛ్ కాబోతోందంటూ ప్రకటించి.. రెబల్ స్టార్ ఫ్యాన్స్ కి మంచి హుషారు ఇచ్చాడు సుజిత్.

తనకు హోం బ్యానర్ లాంటిది అని ప్రభాస్ స్వయంగా చెప్పిన యూవీ క్రియేషన్స్.. ఈ మూవీని నిర్మించనుండగా.. హై ఓల్టేజ్ యాక్షన్ ఎంటర్టెయినర్ జోనర్ లో ఈ మూవీ ఉంటుందని తెలుస్తోంది. అయితే.. షూటింగ్ ప్రారంభానికి మరో రెండు నెలలు పట్టొచ్చని తెలుస్తోంది.