మూడేళ్ల కిందటే ప్రభాస్ ఒప్పుకున్నాడట

బాహుబలి సినిమాతో ఒక్కసారిగా అన్ని సినిమా ఇండస్ట్రీల బాక్స్ ఆఫీస్ లెక్కలను మార్చేసిన హీరో ప్రభాస్. ఇంతవరకు ఏ హీరో పొందలేని గుర్తింపును ప్రభాస్ పొందాడు అని చెప్పవచ్చు. దీంతో అతనితో సినిమా చేస్తే డబ్ చేయాల్సిన లక్కీ ఛాన్స్ వచ్చింది. ఇతర సినీ మార్కెట్లో కూడా ప్రభాస్ నెక్స్ట్ సినిమాలు తప్పకుండా రికార్డు స్థాయిలో బిజినెస్ చేయగలవు అని సినీ విశ్లేషకులు భావిస్తున్నారు.

ఇక అసలు విషయానికి వస్తే బాలీవుడ్ లో కూడా ప్రభాస్ కి మంచి ఇమేజ్ ఉంది. నెక్స్ట్ సినిమా సాహో మొత్తం బాలీవుడ్ స్టైల్ లో తెరకెక్కుతోంది. దర్శకుడు సుజీత్ సినిమాను ఎక్కడా తగ్గకుండా చాలా కొత్తగా తీస్తున్నాడు. యూవీ క్రియేషన్స్ ఆ సినిమాను బారి బడ్జెట్ తో మూడు బాషల్లో నిర్మిస్తోన్న సంగతి తెలిసిందే. అయితే రీసెంట్ గా ప్రభాస్ ఎవరికీ తెలియని ఒక విషయాన్ని బయటపెట్టాడు. అదేంటంటే.. ఇప్పుడు కొత్తగా సాహోతో బాలీవుడ్ డెబ్యూ అనేది కాని.. అసలు తాను బాలీవుడ్ డెబ్యూ కోసం ఎప్పుడో ఒప్పుకున్నాను.. అదే తన అసలు సిసలైన తొలి హిందీ సినిమా అంటున్నాడు.

ప్రస్తుతం బాలీవుడ్ లో చాలా మంది బడా నిర్మాతలు ప్రభాస్ తో డైరెక్ట్ హిందీ సినిమా తెరకెక్కించాలని చూస్తున్నారు. అయితే ప్రభాస్ రెండు మూడు ఆఫర్స్ వచ్చినా ఒప్పుకోలేదు. ముఖ్యంగా కరణ్ జోహార్ ప్రాజెక్ట్ ను రిజెక్ట్ చేశాడు అనే విషయం తెలిసిందే. ఇకపోతే మనోడు ఓ మూడేళ్ల కిందటే ఒక రొమాంటిక్ ఎంటర్టైనర్ కథను ఒకే చేశాడట. అయితే ఎవరితో చేస్తున్నాడు ఎప్పుడు మొదలు పెడుతున్నాడు అనే విషయం ఇంకా తెలియజేయలేదు. త్వరలోనే ప్రభాస్ అధికారకంగా తనే చేబుతాడట. మరి ఆ రోజు ఎప్పుడు వస్తుందో చూడాలి.