ప్ర‌భాస్ చెప్పిన షాట్ అదేనా?

మూడు సినిమాలు క‌లిసి చేశారు ప్ర‌భాస్‌ - రాజ‌మౌళి. వాళ్లిద్ద‌రికి ఒక‌రి స్ట్రెంగ్త్ గురించి మ‌రొక‌రికి మంచి అవ‌గాహ‌న ఏర్ప‌డుంటుంది. బాహుబ‌లి ది క‌న్‌క్లూజ‌న్ ట్రైల‌ర్ విడుద‌ల వేడుక‌లో రాజ‌మౌళి గురించి ప్ర‌భాస్ చెప్పిన మాట‌లు ఆ విష‌యాన్నే చాటి చెప్పాయి. ప్ర‌భాస్ కోణంలో నిన్న‌టిదాకా రాజ‌మౌళి ఏంటంటే అన్ని విష‌యాల్లోనూ నెంబ‌ర్ వ‌న్నే కానీ... రొమాంటిక్ స‌న్నివేశాలు తీయ‌డంలో మాత్రం కాద‌ని. అయితే బాహుబ‌లి ది క‌న్‌క్లూజ‌న్‌ తో మాత్రం అందులోనూ నెంబ‌ర్ వ‌న్ అయిపోయాడ‌ట‌. ఒకే ఒక్క షాట్‌ తోనే ఆ ప్లేస్‌ ని అందుకొన్నాడ‌ని ప్ర‌భాస్ చెప్పాడు.

ప్ర‌భాస్ ఆ మాట చెప్పిన‌ప్ప‌ట్నుంచి ఆ షాట్ ఏంట‌న్న‌దే ఆస‌క్తిక‌రంగా మారింది. బాహుబ‌లి అభిమానులు మాత్రం ట్రైల‌ర్‌లోనే ఆ షాట్ క‌నిపిస్తోంద‌ని, ప్ర‌భాస్‌ ని అనుష్క లిప్‌ లాక్ చేస్తుందా అనిపించేలా ఉన్న ఆ స‌న్నివేశంతోనే జ‌క్క‌న్న రొమాన్స్‌ ని పీక్స్‌ లో చూపించుండొచ్చ‌ని మాట్లాడుకొంటున్నారు. నిజంగానే ఆ స‌న్నివేశం అంత ఇంటెన్సిటీతో క‌నిపిస్తోంది. అయినా రాజ‌మౌళిలోని రొమాంటిక్ యాంగిల్ బాహుబ‌లి ది బిగినింగ్‌ తోనే తెలిసిపోయింది. ప‌చ్చ‌బొట్టేసినా... పాట, అందులో త‌మ‌న్నా ర‌విక ముడిని విప్పే దృశ్యాల గురించి ప్ర‌త్యేకంగా మాట్లాడుకొన్నారు ప్రేక్ష‌కులు. రాజ‌మౌళి త‌న గురువు రాఘ‌వేంద్ర‌రావుని మించిపోయేలా హీరోయిన్ అందాన్ని చూపించాడ‌ని అనుకొన్నారంతా. మ‌రి ప్ర‌భాస్‌ కి ఆ పాట‌తో రాజ‌మౌళిలో రొమాంటిక్ క‌నిపించ‌లేదో లేదంటే, అంత‌కుమించిన షాట్‌ ని జ‌క్క‌న్న ఈ సినిమాలో పెట్టాడో తెలియ‌దు కానీ... బాహుబ‌లి అభిమానుల‌కి మాత్రం ఆ మాట ఎంతో హుషారునిస్తోంది. ఎందుకంటే తొలి స‌గ‌భాగంలో త‌మ‌న్నాని చూసిన‌ట్టుగా, రెండో సినిమాలో అనుష్క అందాల్నీ ఆస్వాదించొచ్చ‌ని!

Like Us on Facebook : https://www.facebook.com/Tupakidotcom/