ఇదే బెస్ట్ సండే -ప్రభాస్

తెలుగు సినిమా చరిత్రలోనే కాకుండా ఇండియన్ సినిమా మొత్తం చరిత్రలోనే బిగ్గెస్ట్ హిట్ గా నిలిచిన బాహుబలి 2 చిత్రం గురించి ఎంత చెప్పినా తక్కువే ఒక్క తెలుగు సినిమా బాలీవుడ్ బాక్స్ ఆఫీసు ను సైతం షేక్ చేసిందంటే మాములు విషయం కాదు. ఈ సినిమా మొత్తంగా దాదాపు 1800 కోట్ల కలెక్షన్స్ వరకు చేరుకొని రికార్డ్ సృష్టించింది. సినిమాను తెరకెక్కించిన రాజమౌలి ప్రతిభ ఒక్కసారిగా జాతీయ స్థాయిలో అందరికి తెలిసింది.

అయిదేళ్ళు స్టార్స్ మొత్తం ఒకే సినిమాకు కష్టపడ్డారు. ముఖ్యంగా హీరో ప్రభాస్ ఎంత కష్టపడ్డాడో ప్రత్యేకంగా చెప్పనక్కర్లేదు. రానా - అనుష్క కూడా వారి స్థాయిని మించిన నటనతో అలరించారు. అయితే ఆ సినిమా ఈ రోజు బుల్లితెర రికార్డులను నమోదు చేయడానికి సిద్దమైంది. సినిమా ఒకేసారి అన్ని భాషల్లో ఎలా రిలీజ్ అయ్యిందో అదే తరహాలో తెలుగు - తమిళ్ మరియు హిందీలో కూడా వివిద బుల్లితెర ఛానెల్స్ లో తెలిక్యాస్ట్ అవ్వనుంది. ఈ సందర్భంగా బాహుబలి హీరో ప్రభాస్ సోషల్ మీడియా ద్వారా కొన్ని కామెంట్స్ చేశాడు.

మూడు భాషల్లో ఒకేసారి ఈ సినిమా ప్రసారం కానుంది. ఇంతకంటే బెటర్ సండే ఇంకోటి ఉండదు. అందరూ ఈ సినిమాను ఇంట్లో చూసి ఎంజాయ్ చేస్తారని భావిస్తున్నా.. అని ప్రభాస్ కామెంట్స్ చేశాడు. మరి ఇండియన్ బాక్స్ ఆఫీస్ రికార్డులను తిరగరాసిన బాహుబలి 2 బుల్లితెరపై ఏ స్థాయిలో రేటింగ్ ను రాబడుతుందో చూడాలి.