ప్రభాస్ 'పాన్ వరల్డ్ మూవీ' మొదలయ్యేది అప్పుడేనట..!

పాన్ ఇండియా స్టార్ ప్రభాస్ - నాగ్ అశ్విన్ సినిమా గురించి సినీ ప్రేక్షకులు ఆసక్తిగా ఎదురు చూస్తున్నారు. గతేడాది ప్రకటించిన ఈ సినిమా ఇంతవరకు పట్టాలెక్కలేదు. కానీ సినిమా పై క్రేజ్ మాత్రం తగ్గట్లేదు. ఎందుకంటే వీరి కాంబినేషన్ లో రాబోయేది పాన్ ఇండియా మూవీ కాదు పాన్ వరల్డ్ మూవీ అని తెలుస్తుంది. అందుకే సినిమా ఆలస్యం అవుతోందని టాక్. ఇదిలా ఉండగా.. ప్రభాస్ ఇప్పటికే రాధేశ్యామ్ సినిమా కంప్లీట్ చేసేసాడు. ఆ సినిమా పాన్ ఇండియా స్థాయిలో విడుదలకు సిద్ధం అవుతోంది. అలాగే ప్రభాస్ నాగ్ అశ్విన్ కంటే ఆలస్యంగా గ్రీన్ సిగ్నల్ ఇచ్చిన సినిమాలు ఇప్పుడు షూటింగ్ జరుపుకుంటున్నాయి. ప్రశాంత్ నీల్ దర్శకత్వంలో సలార్ సినిమా చేస్తూనే మరోవైపు ఓం రౌత్ దర్శకత్వంలో ఆదిపురుష్ సినిమా చేస్తున్నాడు ప్రభాస్.

ఇందులో ఒకటి మాస్ మరోటి గ్రాఫికల్ డివోషనల్ మూవీ అయినప్పటికీ రెండు కూడా పాన్ ఇండియా సినిమాలుగా రూపొందుతున్నాయి. ఈ రెండు సినిమాలు పూర్తయ్యాక ప్రభాస్ - నాగ్ అశ్విన్ మూవీ పట్టాలెక్కనుంది. ప్రస్తుతం ప్రీ-ప్రొడక్షన్ పనులు జరుపుకుంటున్న ఈ సినిమాలో ప్రభాస్ సూపర్ హీరో క్యారెక్టర్ చేయనున్నట్లు టాక్. ఇండస్ట్రీ వర్గాలలో మాత్రం ఈ సినిమా టైం మిషన్ కథాంశం పై తెరకెక్కనుందని తెలుస్తుంది. వైజయంతి బ్యానర్ పై ఈ సినిమాను సి. అశ్వినిదత్ భారీ బడ్జెట్ తో నిర్మించనున్నారు. ఈ సూపర్ హీరో సినిమాలో ప్రభాస్ సరసన దీపికా పదుకొనే హీరోయిన్ కాగా అమితాబ్ బచ్చన్ కీలకపాత్రలో కనిపించనున్నాడు. చూడాలి మరి త్వరలో ఏదైనా గుడ్ న్యూస్ చెబుతారేమో!