బెస్ట్ ఇచ్చేందుకు ప్రయత్నిస్తున్నా: ప్రభాస్

బాహుబలి-2' రిలీజై ఇప్పటికే రెండేళ్ళు. ఇప్పటికే సోషల్ మీడియాలో 2 ఇయర్స్ ఆఫ్ బాహుబలి 2 అంటూ హంగామా జరుగుతోంది. 'బాహుబలి' సినిమాకు పని చేసినవారు మరోసారి ఆ అద్భుతాన్ని గుర్తుచేసుకుంటున్నారు. ఈ సినిమాతో ప్యాన్ ఇండియన్ హీరోగా మారిన ప్రభాస్ రీసెంట్ గా బాహుబలి తర్వాత వచ్చిన మార్పుల గురించి.. తన కొత్త సినిమా 'సాహో' గురించి మనసులో మాటను పంచుకున్నాడు.

"బాహుబలి ఘన విజయం తర్వాత ప్రేక్షకుల అంచనాలు భారీగా పెరిగాయి. లైఫ్ మారిపోయింది.. రొటీన్ మారిపోయింది. ఈ స్పందన నాకు చాలా సంతోషం ఇచ్చింది. అందుకే ఇంకా ఎక్కువ కమిట్మెంట్ తో ఫ్యాన్స్ కు ది బెస్ట్ ఇచ్చేందుకు ప్రయత్నిస్తున్నాను. గొప్ప క్వాలిటీ అవుట్ పుట్ ఇచ్చేందుకు 'సాహో' టీమ్ ఫుల్ గా ఎగ్జైట్ అయి ఉన్నారు. టీమ్ అందరూ చాలా కష్టపడి పని చేస్తున్నారు. అదేరకంగా ప్రెజర్ కూడా ఉంది. అంతా అనుకున్నట్టే జరుగుతుందని అనుకుంటున్నాను" అన్నాడు.

బాహుబలి.. సాహో మధ్య పోలికల గురించి ప్రస్తావిస్తూ "బాహుబలి ఒక పీరియడ్ ఫిలిం. సాహో ప్రస్తుతంలో సాగే చిత్రం. ఈ సినిమాలో నా పాత్రకు తగ్గట్టు మార్పు ఉంటుంది. ఆడియన్స్ ఈ సినిమాలో డిఫరెంట్ ప్రభాస్ ను చూస్తారు.. నాపై గతంలో లాగానే అదేరకమైన ప్రేమ కురిపిస్తారని ఆశిస్తున్నాను" అన్నాడు.