ప్రేర‌ణ‌తో ప్ర‌భాస్.. జ్యోతిష్యం చెప్పించుకున్నారు!

డార్లింగ్ ప్ర‌భాస్ - పూజా హెగ్డే జంట జ్యోతిష్యం చెప్పించుకున్నారు. జ్యోతిష్కుడు వారి చేతి రాత‌ల‌ను ప‌రిశీలించి ఇదీ సంగ‌తి అని చెప్పారు. ఇంత‌కీ ఈ సీన్ ఎక్క‌డ‌? ఎందుకిలా జ్యోతిష్యం? అంటే.. ముంబై జుహూలో రాధేశ్యామ్ ట్రైల‌ర్ వేడుక అనంత‌రం స‌న్నివేశ‌మిది. ప్ర‌భాస్.. పూజా ఇద్ద‌రూ క‌లిసి జ్యోతిష్యం చెప్పించుకున్నారు.

అయితే అక్క‌డ ఆ దృశ్యం చూసిన వారంతా జంట ఎంత బావుందో అంటూ గుస‌గుస‌లాడుకున్నారు.

అందుకే జంట బావుంది గ‌నుకే ఇప్పుడు రాధేశ్యామ్ లాంటి ప్రేమ‌క‌థా చిత్రంలో పెయిర్ అయ్యారు. రాధా కృష్ణ కుమార్ ప‌ర్ఫ‌క్ట్ క‌పుల్ ని ఎంపిక చేసుకున్నార‌ని టాక్ న‌డుస్తోంది. ఎట్ట‌కేల‌కు సుదీర్ఘ నిరీక్ష‌ణ ఫ‌లించి ప్రభాస్-పూజా హెగ్డే నటించిన రాధే శ్యామ్ విడుద‌ల‌కు సిద్ధ‌మ‌వుతోంది. తాజాగా స్పెషల్ కర్టెన్ రైజర్ వీడియో బుధవారం ప్రసారమైంది.

ఈ చిత్రంలో కథానాయికగా నటించిన పూజా హెగ్డే... త‌న‌ సినిమా చుట్టూ ఉన్న హైప్ చూసి ఉప్పొంగిపోతోంది. పూజా మ‌రోసారి ప్రేక్షకులకు తన కృతజ్ఞతలు తెలియజేసింది. పూజా తన ఉత్సాహాన్ని షేర్ చేస్తూ.. ``నా సినిమా కోసం వేచి చూస్తున్నందున చాలా థ్రిల్లింగ్ గా ఉంది. ప్రేక్షకుల నుండి ప్రేమ నాకు ముఖ్యం.

వారు రాధేశ్యామ్ కోసం ఇంతగా ఉత్సాహాన్ని చూపినందుకు నేను కృతజ్ఞురాలిని. ఎనౌన్స్ మెంట్ డ్రాప్ అయినప్పటి నుంచి స్పెషల్ గా ఫీల్ అవుతున్న వీక్షకుల కోసమే ఈ ట్రైలర్. థియేటర్లలో అన్ని భాషల ప్రేక్షకులను కలవాలని ఆశిస్తున్నాను.

విధి రాత అనే కాన్సెప్టుతో రూపొందించిన ఎమోష‌న‌ల్ ల‌వ్ స్టోరి ఇది. యూర‌ప్ నేప‌థ్యంలో అంద‌మైన విజువ‌ల్స్ తో తెర‌కెక్కింది. ఈ చిత్రం మార్చి 11 న విడుద‌ల‌వుతుంది. ఇక ప్ర‌భాస్ ఆదిపురుష్ - స‌లార్ లాంటి చిత్రాల‌తో బిజీగా ఉండ‌గా.. పూజా సల్మాన్ ఖాన్ సరసన భాయిజాన్స్ లో న‌టిస్తోంది.

ర‌ణ‌వీర్ సర్కస్ మూవీలోనూ న‌టిస్తోంది. చిరంజీవి- రామ్ చరణ్ లతో ఆచార్య‌లో న‌టించింది. మహేష్ బాబు సరసన ఇంకా టైటిల్ నిర్ణ‌యించ‌ని చిత్రంలో న‌టిస్తుండ‌గా త్రివిక్ర‌మ్ ద‌ర్శ‌క‌త్వం వ‌హించ‌నున్నారు.