ప్ర‌భాస్ 'ప్రాజెక్ట్ కె' ఇంట్రెస్టింగ్ అప్ డేట్‌

`బాహుబ‌లి`తో ప్ర‌భాస్ పాన్ ఇండిమా స్టార్ అయిపోయారు. దీంతో ఆయ‌న నుంచి ఏదైనా సినిమా వ‌స్తోందంటే దేశ వ్యాప్తంగా చ‌ర్చ‌జ‌రుగుతోంది. ప్ర‌స్తుతం ప్ర‌భాస్ త‌న ఇమేజ్ కి త‌గ్గ ప్రాజెక్ట్ ల‌లో మాత్ర‌మే న‌టిస్తున్నారు. పాన్ ఇండియా రేంజ్ కి ఆయ‌న ప్లానింగ్ ఏమాత్రం త‌గ్గ‌డం లేదు. ప్ర‌స్తుతం న‌టించిన `రాధేశ్యామ్` చిత్రీక‌ర‌ణ పూర్తి చేసుకుని రిలీజ్ కి రెడీ అయింది. తాఆజ ప‌రిస్థితుల నేప‌థ్యంలో సంక్రాంతికి రావాల్సిన ఈ మూవీ రిలీజ్ ని తాజాగా వాయిదా వేసిన విష‌యం తెలిసిందే.

ఇదిలా వుంటే `కేజీఎఫ్` ఫేమ్ ప్ర‌శాంత్ నీత్ డైరెక్ష‌న్ లో `స‌లార్‌` మూవీ చేస్తున్నారు. కోల్ మైన్ నేప‌థ్యంలో సాగే ఈ మూవీ పాన్ ఇండియా స్థాయిలో రూపొందుతోంది. ఇటీవ‌ల విడుద‌ల చేసిన ప్ర‌భాస్ లుక్స్ సినిమాపై అంచ‌నాల్ని పెంచేశాయి. శృతిహాస‌న్ హీరోయిన్ గా న‌టిస్తున్న ఈ మూవీ చిత్రీక‌ర‌ణ ఫైన‌ల్ స్టేజ్ కి చేరుకుంది. ఇదే ఏడాది ఈ చిత్రాన్ని ప్రేక్ష‌కుల ముందుకు తీసుకురావాల‌ని మేక‌ర్స్ ప్ర‌య‌త్నాలు చేస్తున్నారు.

బాలీవుడ్ డైరెక్ట‌ర్ ఓం రౌత్ డైరెక్ట్ చేస్తున్న మైథాల‌జీ ఫిల్మ్ `ఆది పురుష్‌`. ప్ర‌భాస్ కెరీర్ లోనే అత్యంత భారీ బ‌డ్జెట్ తో రూపొందుతున్న ఈ చిత్ర షూటింగ్ పూర్త‌యి ప్ర‌స్తుతం పోస్ట్ ప్రొడ‌క్ష‌న్ కార్య‌క్ర‌మాలు జ‌రుపుకుంటోంది. ఈ మూడు చిత్రాల‌తో పాటు ప్ర‌భాస్ న‌టిస్తున్న మ‌రో క్రేజీ మూవీ `ప్రాజెక్ట్ కె`. `మ‌హాన‌టి` ఫేమ్ నాగ్ అశ్విన్ రూపొందిస్తున్నారు. దీపికా ప‌దుకోన్ హీరోయిన్ గా న‌టిస్తున్న ఈ మూవీని సి. అశ్వ‌నీద‌త్ నిర్మిస్తున్నారు. ఈ చిత్రానికి సంబంధించిన ఆస‌క్తిక‌ర‌మైన అప్ డేట్ ఒక‌టి బ‌య‌టికి వ‌చ్చింది. .

ఓ మీడియా సంస్థ‌కు ప్ర‌త్యేకంగా ఇంట‌ర్వ్యూ ఇచ్చిన చిత్ర నిర్మాత సి. అశ్వ‌నీద‌త్ `ప్రాజెక్ట్ కె` గురించి ప‌లు ఆస‌క్తిక‌ర విష‌యాల్ని వెల్ల‌డించారు. ఇప్ప‌టికే రెండు షెడ్యూళ్లు పూర్త‌య్యాయ‌ని, అంతా అనుకున్న‌ట్టుగా జరిగితే ఈ నెలాఖ‌రున మూడ‌వ షెడ్యూల్ ప్రారంభిస్తామ‌న్నారు. ఈ షెడ్యూల్ లో అమితాబ్ బ‌చ్చ‌న్‌, దీపికా ప‌దుకునే పాల్గొన బోతున్నార‌ని తెలిపారు.

ప్ర‌భాస్ కోసం హాలీవుడ్ న‌టులు, డైరెక్ట‌ర్ లు ఆరా తీస్తున్నార‌ని వెళ్ల‌డించి సంచ‌ల‌నం సృష్టించిన అశ్వ‌నీద‌త్ తాజాగా ఈ మూవీ రిలీజ్ ఎప్పుడు వుంటుందో చెప్పేసి షాకిచ్చారు. పాన్ వ‌ర‌ల్డ్ స్థాయిలో రూపొందుతున్న ఈ మూవీ వ‌చ్చే ఏడాది అంటే 2023లో మే నెల‌లో ప్రేక్ష‌కుల ముందుకు వ‌స్తుంద‌ని స్ప‌ష్టం చేయ‌డం ఆస‌క్తిక‌రంగా మారింది.

అత్యంత భారీ స్థాయిలో వైజ‌యంతీ మూవీస్ సంస్థ అత్యంత ప్ర‌తిష్టాత్మ‌కంగా నిర్మిస్తున్న ఈ చిత్రానికి సీనియ‌ర్ డైరెక్ట‌ర్ సింగీతం శ్రీ‌నివాస‌రావు క్రియేటి హెడ్ గా వ్య‌వ‌హ‌రిస్తున్నారు. మిక్కీ జె మేయ‌ర్ సంగీతం అందిస్తున్నారు. సైన్స్ ఫిక్ష‌న్ గా ఈ మూవీని ద‌ర్శ‌కుడు నాగ్ అశ్విన్ రూపొందిస్తున్నారు. ఈ మూవీ పూర్త‌యిన త‌రువాతే సందీప్‌రెడ్డి వంగ రూపొందించ‌నున్న `స్పిరిట్`ని తెర‌పైకి తీసుకొస్తార‌ట‌.