డార్లింగ్ ర‌చ్చ మామూలుగా లేదే!

డార్లింగ్ గురించి ఏమ‌న్నారు? బ‌య‌ట‌ప‌డ‌ని వాడు (ఇంట్రావ‌ర్ట్) అన్నారు క‌దా? ఏడీ.. ఎక్క‌డా ఆ ఉభ‌య‌కుశ‌లోప‌రి! `లోనే ఉన్నాడా..?` ఈ రాత్రికి మాత్రం ఇంట్రావ‌ర్టును దాచేశాడు డార్లింగ్. త‌న‌కు న‌చ్చిన వాళ్ల కోసం పిచ్చి పిచ్చిగా న‌చ్చిన‌ట్టు ఫుల్లుగా డ్యాన్సాడేశాడు. చిందేయ‌డంలో అలా ఇలా కాదని చెప్పేందుకు ఇదిగో ఇదే ప్రూఫ్.

ప్ర‌స్తుతం ఈ వీడియో సోషల్ మీడియాలో జోరుగా వైర‌ల్ అవుతోంది. ఇక్క‌డ ప్ర‌భాస్ తో పాటు రాజ‌మౌళి, కార్తికేయ ఉన్నారు. బాహుబలి టీమ్ ఈ వేడుక‌లో సంద‌డి చేస్తోంది. దేశం గ‌ర్వించ‌ద‌గ్గ మేటి దర్శక ధీరుడు రాజమౌళి ఇంట పెళ్లి అంటే మామూలుగా ఉంటుందా? జ‌క్క‌న్న కుమారుడు కార్తికేయ పెళ్లి నేడు జైపూర్ లో ఘనంగా జరగ‌నుంది. ఈ వేడుక కోసం ప్ర‌భాస్ & బాహుబ‌లి టీమ్ అప్పుడే అక్క‌డ వాలిపోయారు.

అక్క‌డ పెళ్లికొడుకు కార్తికేయ‌తో క‌లిసి ప్ర‌భాస్ ఇలా స్టెప్పేశాడు. ఈ ఆనందంలో ఊరంతా మోతెక్కేలా స్టెప్పులేస్తే అద‌ర‌గొట్టేశారు. ఈ వీడియోలు ప్ర‌స్తుతం ప్రభాస్ అభిమానులు సోషల్ మీడియాలో జోరుగా వైర‌ల్ అవుతున్నాయి. కార్తికేయ తాను ప్రేమించిన గాయ‌ని పూజాను పెళ్లాడుతున్న సంగ‌తి తెలిసిందే.

వీడియో కోసం క్లిక్ చేయండి