విలేజ్ ఎపిసోడ్ కి ప్రేక్షకులు సాహో అంటారట

'బాహుబలి' రెండు పార్టుల తో జక్కన్న బ్లాక్ బస్టర్ విజయాలు సాధించడంతో పాటుగా టాలీవుడ్ డార్లింగ్ ప్రభాస్ ని ఇండియా మొత్తానికి డార్లింగ్ ను చేశాడు. దీంతో అందరూ ప్రభాస్ నెక్స్ట్ సినిమా 'సాహో' కోసం ఎంతో ఆసక్తిగా ఎదురుచూస్తున్నారు. ఇప్పటికే మెజారిటీ పార్ట్ షూటింగ్ పూర్తి చేసుకున్న ఈ సినిమాకోసం ఒక 20 రోజుల విలేజ్ ఎపిసోడ్ ప్లాన్ చేశారట.

ఇప్పటి వరకూ దుబాయ్ షెడ్యూల్.. హాలీవుడ్ యాక్షన్ కొరియోగ్రాఫర్ కెన్నీ బేట్స్ డిజైన్ చేసిన భారీ యాక్షన్ సీక్వెన్సెస్ లాంటి అప్డేట్స్ అన్నీ మనకు తెలిసినవే. కానీ 'సాహో' లో ఒక విలేజ్ ఎపిసోడ్ ఉందన్న విషయం మాత్రం ఇంతవరకూ బయటకు రాలేదు. ఈ విలేజ్ ఎపిసోడ్ షెడ్యూల్ 20 రోజుల పాటు ఉంటుందట. ఈ షెడ్యూల్ ను బ్రేక్ లేకుండా నాన్ స్టాప్ గా జరిపేందుకు సుజీత్ అండ్ టీమ్ ప్లాన్ చేసుకున్నారట. ఈ ఎపిసోడ్ 'సాహో' సినిమా సినిమా మొత్తానికే హైలైట్ అనే టాక్ వినిపిస్తోంది.

ఈ లెక్కన దుబాయ్ లోని ఆకాశ హర్మ్యాల మధ్య ఉన్న హాలీవుడ్ స్టైల్ యాక్షన్ సీక్వెన్స్ ల తో పాటుగా మన భారతీయ సంస్కృతిని ప్రతిబింబించే గ్రామాలను కలిపి అక్కడ ఒక కీలక ఎపిసోడ్ ప్లాన్ చేశారంటే రెండిటికీ ఏదో స్ట్రాంగ్ కనెక్షన్ ఉన్నట్టే. మరి దర్శకుడు సుజీత్ ఎలాంటి కథలో ప్రభాస్ ను చూపించడానికి రెడీ అవుతున్నాడో ఏంటో..!