బుర్జ్ ఖలీఫా దగ్గర ప్రభాస్ ఫైట్

బాహుబలి స్టార్ ప్రభాస్ నెక్స్ట్ సినిమా విడుదలకు సమయం చాలానే ఉన్నా కూడా సినిమాకు సంబంధించిన వార్తలు మాత్రం సినిమా రిలీజ్ టైమ్ లో వస్తున్నట్లు ప్రచారాన్ని సాగిస్తున్నాయి. బాహుబలి తరువాత అత్యంత భారీ బడ్జెట్ తో సాహో తెరకెక్కుతోంది. యూవీ క్రియేషన్స్ వారి దాదాపు 150 కోట్లు ఈ సినిమా కోసం ఖర్చుపెడుతున్నారు. దీంతో సినిమాపై అంచనాలు రోజు రోజుకి పెరుగుతున్నాయి. అయితే గత కొన్ని రోజులుగా సినిమా గురించి ఓ న్యూస్ వైరల్ అవుతోంది.

దుబాయ్ లోని కొన్ని ప్రముఖ ప్రదేశాల్లో ప్లాన్ చేసిన షూటింగ్ క్యాన్సిల్ అయ్యిందని యాక్షన్ సీన్స్ కోసం యూవీ క్రియేషన్స్ అక్కడి గవర్నమెంట్ పర్మిషన్ తీసుకోకపోవడంతో షూటింగ్ వాయిదా పడినట్లు వార్తలు వచ్చాయి. అలాగే ఆ షూటింగ్ ని ఇండియాలోనే గ్రాఫిక్స్ ద్వారా మ్యానేజ్ చేసేందుకు చిత్ర యూనిట్ ప్రత్యేకంగా సెట్ వేస్తున్నారని రూమర్స్ వచ్చాయి. ఈ రూమర్స్ పై చిత్ర యూనిట్ స్పందించకపోవడంతో అంతా నిజమే అనుకున్నారు. అయితే రీసెంట్ గా సాహో సినిమాలో విలన్ ఆ రూమర్స్ కి చెక్ పెట్టె ప్రయత్నం చేశాడు.

ఆ వార్తలన్నీ పూర్తిగా అబద్ధాలు అని నీల్ నితిన్ ముకేష్ రీసెంట్ గా మీడియాతో తెలిపాడు. ప్రస్తుతం యాక్షన్ సీన్స్ కోసం చిత్ర యూనిట్ భారీగా సన్నహకలు చేస్తోందని బుర్జ్ ఖలీఫా సమీపంలో భారీ యాక్షన్ సీక్వెన్స్ ప్లాన్ చేస్తున్నట్లు చెప్పాడు. అక్కడ ప్రభాస్ తో మనోడు పెద్ద ఫైటింగే చేస్తాడట. దీంతో ప్రభాస్ ఫ్యాన్స్ ఈ న్యూస్ ని సోషల్ మీడియాలో చాలా స్పీడ్ గా స్ప్రెడ్ అయ్యేట్లు చేస్తున్నారు. సుజిత్ దర్శకత్వం వహిస్తోన్న ఈ సినిమాలో శ్రద్దా కపూర్ హీరోయిన్ గా నటిస్తోన్న సంగతి తెలిసిందే.