మారుతి కోసం బిగ్ ప్లాన్ సెట్ చేసిన ప్ర‌భాస్‌!

పాన్ ఇండియా స్టార్ ప్ర‌భాస్ ఫ్యాన్స్ ఎంత‌గా వారిస్తూ వ‌ద్ద‌ని చెబుతున్నా స‌రే ఎక్క‌డా త‌గ్గేదే లే అన్న‌ట్టుగా మారుతి ప్రాజెక్ట్ కోసం ముందుకు సాగుతున్నాడు. మారుతి చెప్పిన హార‌ర్ థ్రిల్ల‌ర్ స్టోరీ న‌చ్చ‌డంతో త‌న‌తో సినిమాకు రెడీ అయిపోయిన ప్ర‌భాస్ ఈ ప్రాజెక్ట్ కోసం టెర్రిఫిక్ ఫ్లాన్ ని సెట్ చేశాడ‌ని చెబుతున్నారు.

ప్ర‌స్తుతం ఆదిపురుష్‌, స‌లార్‌, ప్రాజెక్ట్ కె వంటి మూడు క్రేజీ ప్రాజెక్ట్ ల‌లో న‌టిస్తున్న ప్ర‌భాస్ అందులో `ఆదిపురుష్‌` షూటింగ్ పూర్తి చేసుకుని వ‌చ్చే ఏడాది జ‌న‌వ‌రికి రిలీజ్ అవుతున్న నేప‌థ్యంలో మారుతి ప్రాజెక్ట్ కి గ్రీన్ సిగ్న‌ల్ ఇచ్చేశాడు.

ఈ మూవీ రెగ్యుల‌ర్ షూటింగ్ న‌వంబ‌ర్ నుంచి ప్రారంభం కాబోతోంది. ఇటీవ‌ల అనౌన్స్ మెంట్ పోస్ట‌ర్ కోసం ప్ర‌త్యేకంగా ప్ర‌భాస్ పై ఫొటో షూట్ ని నిర్వ‌హించిన మారుతి తాజాగా ప్ర‌భాస్ పై టెస్ట్ షూట్ ని మొదలు పెట్టిన‌ట్టుగా తెలుస్తోంది. ఇటీవ‌ల రెబ‌ల్ స్టార్ కృష్ణంరాజు ఆక‌స్మిక మృతి కార‌ణంగా సినిమా షూటింగ్ ల‌కు బ్రేకిచ్చిన ప్ర‌భాస్ తాజాగా సెట్ లోకి అడుగుపెట్టేసి షూటింగ్ లను మొద‌టు పెట్టేశాడు. ఇందులో భాగంగా మారుతి తో చేస్తున్న ప్రాజెక్ట్ హార‌ర్ థ్రిల్ల‌ర్‌ టెస్ట్ షూట్ లో పాల్గొన్నాడ‌ని తెలిసింది.

అక్టోబ‌ర్ 23న ప్ర‌భాస్ పుట్టిన రోజు సంద‌ర్భంగా ఈ మూవీ అనౌన్స్ మెంట్ పోస్ట‌ర్ ని రిలీజ్ చేయ‌బోతున్నారు. ఇందుకు సంబంధించిన ఫొటో షూట్ ని ఇప్ప‌టికే పూర్తి చేసిన మారుతి ప్ర‌స్తుతం ప్ర‌భాస్ పై టెస్ట్ షూట్ ని మొద‌లు పెట్టిన‌ట్టుగా తెలుస్తోంది. ఇదిలా వుంటే ఈ మూవీ కోసం హీరో ప్ర‌భాస్ టెర్రిఫిక్ ప్లాన్ ని రెడీ చేసిన‌ట్టుగా చెబుతున్నారు. ప్ర‌స్తుతం `స‌లార్‌`, ప్రాజెక్ట్ కె` షూటింగ్ ల‌తో బిజీగా వున్న ప్ర‌భాస్ .. మారుతి సినిమాని ఐదు నుంచి ఆరు నెల‌ల్లో పూర్తి చేయాల‌నుకుంటున్నాడ‌ట‌.

`స‌లార్‌`, ప్రాజెక్ట్ కె` షూటింగ్ బ్రేక్ ల మ‌ధ్య ల‌భించిన బ్రేక్ టైమ్ ని మారుతి సినిమాకు ఉప‌యోగించ‌బోతున్నాడ‌ట‌. ఎప్పుడు ఈ రెండు సినిమా మ‌ధ్య బ్రేక్ ల‌భిస్తే అప్పుడు మారుతి సినిమాకు కేటాయిస్తూ ఐదు నుంచి ఆరు నెల‌ల్లో ఈ ప్రాజెక్ట్ ని పూర్తి చేయాల‌ని ప్లాన్ చేసిన‌ట్టుగా తెలుస్తోంది. హార‌ర్ థ్రిల్ల‌ర్ గా తెర‌కెక్క‌నున్న ఈ మూవీలోని కీల‌క‌మైన తాత పాత్ర‌లో బాలీవుడ్ న‌టుడు బోమ‌న్ ఇరానీ న‌టించే అవ‌కాశం వుంద‌ని చెబుతున్నారు.

ఇక కీల‌క విల‌న్ పాత్ర‌లో సంజ‌య్ ద‌త్ ని సంప్ర‌దిస్తున్నారంటూ గ‌త కొన్ని రోజులుగా వార్త‌లు షికారు చేస్తున్నాయి. ఇందులో ప్ర‌భాస్ కు జోడీగా ముగ్గురు హీరోయిన్ లు న‌టించ‌నున్నారు. ఇందులో ఇప్ప‌టికే మాళ‌వికా మోహ‌న‌న్‌, నిధి అగ‌ర్వాల్ ల‌ని ఫైన‌ల్ చేశారు కూడా. ఇక ప్ర‌భాస్ క్రేజ్ ని దృష్టిలో పెట్టుకుని పీపుల్ మీడియా ఫ్యాక్ట‌రీ వారు పాన్ ఇండియా వైడ్ గా ఈ మూవీని రిలీజ్ చేయాల‌ని ప్లాన్ చేస్తున్నార‌ట‌.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.