రికార్డుల దుమ్ము దులుపుతున్న సాహో షేడ్స్

ప్రభాస్ పుట్టిన రోజు సందర్భంగా అక్టోబర్ 23 న ప్రభాస్ తాజాచిత్రం 'సాహో' నుండి షేడ్స్ అఫ్ సాహో చాప్టర్ 1 అనే పేరుతో మేకింగ్ వీడియోను రిలీజ్ చేయడం జరిగింది. హాలీవుడ్ యాక్షన్ కొరియోగ్రాఫర్ కెన్నీ బేట్స్ డిజైన్ చేసిన హై ఆక్టేన్ యాక్షన్ సీక్వెన్స్ ను దుబాయ్ లో ఎలా షూట్ చేశారో చూపిస్తూ సాగిన ఈ మేకింగ్ వీడియో ను చూసిన ప్రేక్షకులందరూ థ్రిల్ అయ్యారు.

అసలే 'బాహుబలి' ఘన విజయం తర్వాత డార్లింగ్ నటిస్తున్న సినిమా కావడంతో దేశవ్యాప్తంగా ప్రేక్షకులు చాలా రోజుల నుండి ఈ సినిమా అప్డేట్ల కోసం ఆసక్తిగా ఎదురు చూస్తున్నారు. దీంతో మేకింగ్ వీడియో రికార్డుల దుమ్ము దులిపింది. జస్ట్ 24 గంటల్లోనే 10 మిలియన్ వ్యూస్ లభించాయి. ఇలాంటి రెస్పాన్స్ మరే తెలుగు హీరో మేకింగ్ వీడియోకి ఇంతవరకూ రాలేదు. ఇక ఈ వీడియోకు యూట్యూబ్ లో నాలుగు లక్షలకు పైగా లైక్స్ వచ్చాయి. సోషల్ మీడియా మొత్తం మీద వన్ మిలియన్ కు పైగా లైక్స్ వచ్చాయి.

ఇక ఓవరాల్ గా 24 గంటల్లో 52 మిలియన్స్ కు పైగా వ్యూస్ తో సోషల్ మీడియాలో ఎక్కువమందికి రీచ్ అయిన వీడియోగా కూడా రికార్డు సృష్టించింది. ఒక మేకింగ్ వీడియో విషయంలో ఇదో పెద్ద రికార్డు. ఇప్పటివరకూ అప్ డేట్స్ కళ్ళు కాయలు కాచేలా ఎదురుచూసిన అభిమానులకు ఈ మేకింగ్ వీడియోకి వచ్చిన రెస్పాన్స్ తో దిల్ ఖుష్ అయ్యింది.

బాలీవుడ్ బ్యూటీ శ్రద్ధాకపూర్ హీరోయిన్ గా నటిస్తున్న ఈ సినిమాలో నీల్ నితిన్ ముఖేష్.. జాకీ ష్రాఫ్.. లు ఇతర కీలక పాత్రలు పోషిస్తున్నారు. ఈ సినిమాకు సంగీతం శంకర్ - ఎహసాన్ - లాయ్. 'రన్ రాజా రన్' ఫేమ్ సుజిత్ ఈ సినిమాకు దర్శకుడు. యూవీ క్రియేషన్స్ బ్యానర్ వారు ఈ సినిమాను నిర్మిస్తున్నారు.